Birləşmiş Millətlər Təşkilatının Fələstin Xalqının Ayrılmaz Hüquqlarının Həyata Keçirilməsi Komitəsi (UNISPAL) İsrailin 18 martda Qəzzada atəşkəsi pozmasından sonra başlayan hücumları və 2 mart 2025-ci ildən tətbiq etdiyi qeyri-qanuni blokadanı pisləyib və dərhal son qoyulmasını tələb edib.
Avropa.info xəbər verir ki, UNISPAL verdiyi yazılı açıqlamada, İsrailin martın 2-dən etibarən Qəzza zolağına ərzaq, yanacaq, dərman və ticarət mallarının axınını tamamilə kəsərək Fələstin vətəndaşlarının həyatını təhlükəyə atdığını , blokada və artan hücumların minlərlə insan itkisinə səbəb olduğunu vurğuladı.
İsrailin mülki şəxslərə qarşı tətbiq etdiyi hərəkətlərin beynəlxalq humanitar hüququn açıq şəkildə pozulması olduğu açıqlanan bəyanatda, “Bu qeyri-insani hərəkətlərə dərhal son qoyulmalıdır” ifadəsi işlədilib. deyildi.
Qəzza zolağında 2 milyondan çox insanın 2 aydan çoxdur İsrailin mühasirəsi altında yaşadığı xatırladan bəyanatda uşaqların, qadınların, qocaların və gənclərin sistemli şəkildə kollektiv cəzaya məruz qaldığı vurğulanıb.
Bəyanatda qeyd olunub ki, İsrailin humanitar yardımın daxil olmasına icazə verməməsi aclıq, xəstəlik və məhrumiyyətləri daha da dərinləşdirir.
Bəyanatda BMT Təhlükəsizlik Şurasının 2735 saylı qətnaməsinə uyğun olaraq dərhal və daimi atəşkəsə çağırılıb, həmçinin blokadanın qeyd-şərtsiz götürülməsi, qida, su, yanacaq, dərman və digər humanitar yardımların fasiləsiz çatdırılması, mülki şəxslərin və humanitar işçilərin müdafiəsinin vacibliyi vurğulanıb.
Bəyanatda həmçinin fələstinlilərin “könüllü köç” və ya “yenidənqurma” yolu ilə Qəzzadan çıxarılması təkliflərinə qarşı çıxıb və belə planların “humanitar və hüquqi baxımdan qəbuledilməz” olduğu bildirilib.
Bəyanatda Fransa və Səudiyyə Ərəbistanının həmsədrliyi ilə iyun ayında keçiriləcək yüksək səviyyəli beynəlxalq konfransın İsrail işğalına son qoyulması, Fələstin xalqının əvəzsiz hüquqlarının tanınması və ədalətli və qalıcı həll üçün iki dövlətli həllin həyata keçirilməsi üçün kritik bir fürsət təqdim etdiyi vurğulanıb, Komitənin konfransa fəal töhfə verməyə hazır olduğu bildirilib.
