Prezident Rəcəb Tayyib Ərdoğan ABŞ prezidenti Donald Trampla telefon danışığı aparıb. Görüşdə Türkiyə ilə ABŞ arasında ikitərəfli əlaqələr, regional və qlobal məsələlər müzakirə edilib.
Avropa.info xəbər verir ki, Prezident Ərdoğan görüş zamanı Türkiyənin ABŞ ilə bir çox sahədə, xüsusilə müdafiə sənayesində əməkdaşlığı inkişaf etdirmək üçün addımlar atmağa davam edəcəyini bildirib.
Dövlət başçımız ABŞ prezidenti Trampın müharibələrə son qoymağa yanaşmasını dəstəklədiyini, İranla danışıqlar prosesini və Rusiya-Ukrayna müharibəsinə son qoymaq üçün göstərilən səyləri yüksək qiymətləndirdiyini bildirib.
Prezident Ərdoğan görüş zamanı Qəzzada humanitar böhranın ciddi ölçülərə çatdığını, humanitar yardımların fasiləsiz olaraq Qəzzəyə çatdırılmasının və bu faciəvi humanitar dramın sona çatdırılmasının vacibliyini, Türkiyənin atəşkəs və davamlı sülhün təmin edilməsi üçün əməkdaşlığa və hər cür dəstəyi verməyə hazır olduğunu bildirib.
Prezidentimiz Türkiyənin Suriyanın ərazi bütövlüyünü qorumaq və sabitliyi təmin etmək üçün səy göstərdiyini, ABŞ-ın Suriyaya qarşı sanksiyaları yumşaltmaq səylərinin prosesə töhfə verəcəyini, sabit Suriyanın həm regional, həm də dünya sülhünü dəstəkləyəcəyini bildirib.
Prezident Ərdoğan görüş zamanı ABŞ prezidenti Trampı Türkiyəyə dəvət edib
