Müasir dövrdə Azərbaycanda qanuna əsaslanan normal siyasi mühitin və yeni siyasi münasibətlər sisteminin formalaşdırılmasi ölkənin siyasi sistemin inkişafının aktual istiqanətlərindən biridir. Bu prosesində dövlətlə siyasi partiyalar arasında dialoqun əhəmiyyəti əvəzsizdir və bunun alternativiyoxdur. Belə ki, siyasi partiyalar, ayrı-ayrı şəxslərin və şəxslər qrupunun, sosial təbəqələrin müxtəlif fərdi və korporativ maraqlarını ümumi siyasi maraqlara çevirib təmsil etməklə bütövlükdə cəmiyyətlə dövlət arasında bir növ əlaqələndirici vəsilə kimi çıxış edir.
Cəmiyyətdə sağlam siyasi dialoq mühitinin formalaşması ilk növbədə iqtidar – müxalifət qarşıdurmasının siyasi partiyalarla dövlət orqanları arasında konstruktiv əməkdaşlıqla əvəz olunmasına şərait yaradır, milli maraqların və milli birliyin qorunması naminə ölkənin bütün siyasi qüvvələrinin səfərbər olmasına kömək edir. Bütövlükdə siyasi partiyalarla dövlət arasında sağlam dialoq mühiti və konstruktiv əməkdaşlıq, ümummilli məsələlərdə birliyin və həmrəyliyin olması cəmiyyətin və dövlətin inkişafını şərtləndirən əsas amillərdəndir.
Siyasi dialoqlar vasitəsilə dövlət orqanları cəmiyyət və dövlət üçün əhəmiyyət kəsb edən aktual məsələlərə dair siyasi partiyaların, müxtəlif qrupların və təbəqələrin mövqelərini, onları narahat edən məqamları birbaşa öyrənir, narahatlıq doğuran məsələlərə dair təklifləri ümumiləşdirmək və lazım gələrsə həmin sahələr üzrə həyata keçirilən siyasətdə operativ dəqiqləşdirmələr etmək imkanı əldə edirlər.
Bu baxımdan son bir neçə ildə Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin həyata keçirdiyi tədbirlərin əhəmiyyətini xüsusi qeyd etmək olar. Bu tədbirlər cəmiyyətdə siyasi müstəvidə yeni münasibətlər sisteminin formalaşmasına, ümummilli məsələlərdə xalq – dövlət – siyasi partiyalar birliyinin və milli həmrəyliyin yaranmasına gətirib çıxardı. 44 günlük Vətən müharibəsi və bir günlük antiterror əməliyyatı zamanı milli birlik və həmrəyliyin ən yüksək nöqtəsi oldu və bizim ümummilli məsələlərdə birgə olmağımızın, vahid mövqedən çıxış etməyimizin əyani nümayişi oldu.
Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin təşkilatçılığı ilə işğaldan azad olunmuş bölgələrə partiya sədrləri və nümayəndələrinin, müstəqil siyasətçilərin, politoloq və siyasi şərhçilərin, media subyektlərinin rəhbərlərinin və jurnalistlər birgə səfərlərinin təşkili artıq ənənə halını almışdır. Aprelin 29-da Laçın şəhərinə təşkil olunmuş səfər sayca 6-cıdır. Laçın səfəri milli birlik və həmrəyliyin daha da inkişaf etdirilməsi və möhkəmləndirilməsi istiqamətində həyata keçirilən növbəti əhəmiyyətli tədbir olub yeni siyasi münasibətlər sisteminin daha da möhkəmlənməsinə kömək edəcək.
Səfər çərçıvəsində Laçında bərpa və yenidənqurma işlərinin təşkili, əhalinin qayıdışı üçün görqlən işlər, o cümlədən yaşayış binalartının tikintisi, infrasutrukturların yaradılması, məşğulluq problemlərinin həlli istiqamətində həyata keçirilən və görülməsi nəzərdə tutulan işlərlə tanışılıq səfərdə iştirak edənlərdə pozitiv təəssürat yaratdı.
Birgə səfər bu baxımdan yalnız siyasi həmrəylik aktı kimi deyil, həm də işğaldan azad olunmuş bölgələrdə həyata keçirilən bərpa və quruculuq işlərinə verilən ümumi siyasi dəstəyin ifadəsi kimi nəzərdən keçmirilməlidir.
Belə səfərlər göstərir ki, partiyalar və müstəqil siyasətçilər arasında siyasi və ideoloji baxışlara görə müxtəlif fərqlər, bəzi ziddiyyətli məqamlar olsa da, ölkənin ərazi bütövlüyü və suverenliyinin qorunması və daha da möhkəmləndirilməsində, gələcək inkişafın prinsiplərinin müəyyənləşdirilməsində ciddi əksliklər yoxdur, həmin məsələlərdə bir növ konsensus mövcuddur. Bu səfərlər həm də cəmiyyətə və beynəlxalq aləmə ölkədə siyasi qarşıdurmanın deyil, sağlam dialoqun, qarşılıqlı anlayışın və solidar məsuliyyətin olmasını əyani surətdə göstərən ciddi bir mesaj kimi də dəyərləndirilməlidir.
Qulamhüseyn Əlibəyli,
Sabiq millət vəkili
