Nigeriyanın neftlə zəngin Rivers əyalətində qeyri-qanuni neftin saxlanıldığı evdə baş verən partlayış nəticəsində 5 nəfər həlak olub.
Avropa.info xəbər verir ki, Milli mətbuatda yayılan xəbərlərə görə, Rivers ştatının Omoku bölgəsində qaçaqmalçılıq yolu ilə gətirilən neftin emal edildiyi və saxlandığı evdə partlayış baş verib.
Partlayışda 5 nəfər yanaraq ölüb, çoxlu sayda insan yaralanıb.
Afrikanın neft və təbii qazla zəngin ölkəsi olan Nigeriyada zaman-zaman neft oğurluğu hadisələri baş verir. Ölkədə neft oğurluğunun artması ölkə iqtisadiyyatına ciddi ziyan vurur.
Hökumət ölkədə artan neft oğurluğu və boru kəmərlərinə hücumlar səbəbindən 2023-cü ildə 3 milyard dollardan çox itkiyə məruz qalacağını açıqlamışdı.
