İran və Azərbaycan bir-birinin köməyi ilə regionda sülh və əmin-amanlığı bərqərar edə və əməkdaşlıq yolu ilə problemləri həll edə bilər.
Avropa.info xəbər verir ki, bunu Prezident İlham Əliyevlə birgə mətbuat konfransında Məsud Pezeşkian deyib.
Prezident İran və Azərbaycan münasibətlərini tarixi hesab edib: “İki ölkə qonşu olaraq hər zaman bir-birini dəstəkləyib. Bu bölgədə din, əqidə və siyasət baxımından çoxlu ortaq nöqtələrimiz var. Biz bu ümumi cəhətlərə bağlıyıq, onlarla fəxr edir və bu ümumi cəhətlər əsasında ünsiyyətlərimizi genişləndirməyə çalışırıq”.
M. Pezeşkian İran və Azərbaycan arasında bağlanan sazişləri strateji və mühüm adlandırıb: “Əziz qardaşım İlham Əliyev Azərbaycan Respublikasının hörmətli rəsmilərinə və nazirlərinə birgə strateji planın həyata keçirilməsi ilə bağlı tapşırıq verib. Biz də xarici işlər nazirindən bu strateji planı daha dərindən davam etdirməyi xahiş etdik ki, biz bütün elmi, siyasi, iqtisadi, bütün sahələrdə birgə əməkdaşlıq edə bilək”.
İran prezidenti deyib: “İran və Azərbaycan bir-birinin köməyi ilə regionda sülh və əmin-amanlıq yarada və əməkdaşlıq yolu ilə problemləri həll edə bilər. Əgər bütün İslam ölkələri və qonşular əl-ələ verib bir-birinin ərazi bütövlüyünə hörmət etsələr, ümumi fikirlər üzərində razılaşaraq, kommunikasiyalarımızı genişləndirməklə bütün sahələrdə əməkdaşlıq edə bilərik.
O əlavə edib: “Biz aramızda maliyyə və ticarət əlaqələrini genişləndirməyə, kommunikasiya və yolları yaxşılaşdırmağa, bir-birinin köməyi ilə dəhlizlər yaratmağa çalışmalıyıq. İstehsalçılarımız bir-birinin köməyi və dəstəyi ilə istehsal etməlidirlə”. Elmdə, mədəniyyətdə, istehsalatda və siyasətdə bir yerdə olsaq, bəzi insanların ünsiyyətimizi pozmasına, aramızda fikir ayrılığı yaratmasına icazə verməyəcəyik.
Prezident İran və Azərbaycan Respublikası arasında ümumi cəhətləri və əlaqələri vurğulayıb: “Əziz qardaşım Prezident İlham Əliyevdə gördüyüm qətiyyət və iradə ilə, digər tərəfdən də İran İslam Respublikasının dost və qardaş ölkə Azərbaycanla əlaqələri genişləndirmək məcburiyyətində qalması ilə, inşallah, biz bütün razılaşmaları yerinə yetirəcəyik.
Biz Azərbaycan Respublikası ilə müqavilələri tam şəkildə həyata keçirmək əzmindəyik və Allahın köməyi ilə İran, Azərbaycan və Yaxın Şərq regionu üçün yeni plan və daha yaxşı gələcək yaradacağıq”.
Pezeşkian Azərbaycanda olduğu zaman özümü heç də yad ölkədə hiss etmədiyimi bildirib: “Ümid edirəm ki, iki ölkə arasında iqtisadi, mədəni, elmi, təhlükəsizlik və hərbi sahələrdə əlaqələri genişləndirəcəyik və iki ölkənin gələcək nəsilləri üçün bir-biri ilə sağlam münasibətlərlə fəxr edəcək bir gələcək quracağıq
