Rusiya Silahlı Qüvvələrinin Baş Qərargahının idarə rəsinin müavini general-leytenant Yaroslav Moskalikin ölümünə səbəb olan avtomobilə bomba yerləşdirən İqnat Kuzin adlı şəxs saxlanılıb.
Avropa.info xəbər verir ki, bu barədə Rusiya Federal Təhlükəsizlik Xidməti (FSB) məlumat yayıb.
Qeyd edək ki, Moskva vilayətinin Balaşixa şəhərində minik avtomobilinin partladılması nəticəsində Rusiya Silahlı Qüvvələri Baş Qərargahının Baş Əməliyyat İdarəsinin rəis müavini, general-leytenant Yaroslav Moskalik ölüb.
***
Moskalikin qətlində şübhəli bilinən İqnat Kuzin Türkiyədə saxlanılib.
Bu barədə TASS mənbələrə istinadən məlumat yayıb.
***
Yaroslav Moskalikin öldürülməsində şübhəli bilinən İqnat Kuzin ifadə verib.
Onun dindirilmə videosunu Rusiya Federal Təhlükəsizlik Xidməti yayıb.
Səs yazısında kişi özünü İqnat Kuzin kimi təqdim edir və 2023-cü ilin aprelində Kiyev vilayətində “kurator Vadim” tərəfindən işə götürüldüyünü deyir. Həmin ilin payızında o, Moskvaya köçür, 2024-cü ilin noyabrında isə Kuzin Moskalikin yaşadığı binaya köçüb. 2025-ci ilin fevralında İqnat Kuzin maşın alıb və maşına bomba yerləşdirib.
“Partlayış uzaqdan birbaşa kurator Vadim tərəfindən həyata keçirilib” – Kuzin açıqlayıb
