Avropa.info xəbər verir ki, Netanyahu “Beynəlxalq Holokost Qurbanları Günü” münasibəti ilə keçirilən tədbirdəki çıxışında  Qəzza zolağına və ABŞ-  la nüvə danışıqları aparan İrana edilən  hücumlardan  danışıb.

Livana hücumları ilə “Hizbullahı diz çökdürdüklərini, Əsəd rejiminin devrilməsi üçün lazımi şəraiti yaratdıqlarını, İrana ciddi ziyan vurduqlarını və Yaxın Şərqin simasını dəyişdirdiklərini” iddia edən Netanyahu sözlərini belə davam etdirdi:

“(İran) nüvə silahı əldə edərsə, nə olacaq? Bizimlə Tehran arasındakı mübarizə bütün azad cəmiyyətlərin taleyini həll edəcək.  İsrail  uduzsa, növbəti Qərb dövlətləri olacaq. Və bu, onların gözlədiyindən də sürətlə baş verəcək”.

İsrailin tək qalsa belə Qəzza zolağına hücumlarını davam etdirəcəyinə işarə edən soyqırımçı Netanyahu, “Həmasa qarşı hərbi təzyiqləri davam etdirəcəklərini və bütün İsrailli məhbusları geri gətirəcəklərini” müdafiə etdi.

Netanyahu ölkəsinin sərhədlərində “nə cənubda, nə şimalda, nə də İordan çayının qərb sahilində xilafətin qurulmasına icazə verməyəcəklərini” deyib.

İsrail Baş Nazirliyindən verilən açıqlamada, anma mərasiminə qatılmaq üçün yola düşməzdən əvvəl bölgədə pilotsuz uçan aparatın uçduğu şübhəsi ilə Netanyahunun konvoyunun təhlükəsizlik tədbirləri çərçivəsində bir müddət gözlədildiyi bildirilib.