Rusiya prezidenti Vladimir Putinin ABŞ-ın keçmiş prezidenti Donald Trampa mart ayında hədiyyə etdiyi sirli rəsm üzə çıxıb. Məlumata görə, Kremlin sifarişi ilə hazırlanan əsərdə Trampın 2024-cü il mitinqində uğursuz sui-qəsd cəhdindən sonra çəkilmiş bir səhnə təsvir edilib.
Avropa.info-nun məlumatına görə CNN-ə danışan məşhur rus rəssamı Nikas Safronov rəsmin onun tərəfindən hazırlandığını və ilk dəfə ictimaiyyətə nümayiş etdirildiyini açıqlayıb. Bildirilib ki, əsər Kreml vasitəsilə Trampa çatdırılıb və Putinin özü göndərib.
Amerika ilə həmrəyliyə vurğu
Rəsm Trampın Pensilvaniya ştatının Butler şəhərindəki mitinqində uğursuz sui-qəsd cəhdindən sonra yumruğunu havaya qaldırdığı dramatik anı təsvir edir.
“O anı göstərmək istədim, üzündəki qan və yara. O, qorxmadı, geri çəkilmədi. O, yumruğunu qaldıraraq Amerika ilə bir olduğunu və ölkəsini layiq olduğu yerə qaytaracağını bəyan etdi”, – Safronov bildirib.
Trampın yaxın ətrafı Steve Witkoff, Tucker Carlson ilə podkast müsahibəsində tablonu “gözəl portret” kimi qiymətləndirdi və Trampın hədiyyədən “çox təsirləndiyini” söylədi. Lakin portret indiyədək ictimaiyyətə göstərilməmişdi.
.PNG)
Putin şəxsən zəng edib
Safronov bildirib ki, əvvəlcə ondan bu tablonu çəkməyi xahiş edənlərin kim olduğunu bilmirdi. “Bəzən təfərrüatları açıqlamyan müştərilərim olur. Amma bu dəfə mən bunun arxasında Kremlin olduğunu təxmin etdim”, – deyən Safronov işin iki ölkə arasında münasibətləri yumşaltmaq məqsədi daşıdığını düşündüyü üçün qonorar istəmədiyini bildirib.
Daha sonra Putinlə şəxsən əlaqə saxladığını bildirən Safronov bildirib ki, Rusiya lideri bu portretin ABŞ ilə münasibətlərin yaxşılaşdırılması istiqamətində mühüm addım olduğunu deyib .
Hadisə Ağ Evdə baş verib
Rəsm hazırda Ağ Evin Böyük Foyesində eks-prezident Barak Obamanın rəsmi portretini əvəz edərək nümayiş etdirilir.
Üzündəki qan izləri ilə yumruğunu havaya qaldıran Trampın bu görüntüsü seçki kampaniyasının simvollarından birinə çevrilib .
Kreml məsələ ilə bağlı şərh verməyib.
