Bu gün nəinki keçmişdə Respublika Partiyasını seçdiyimizi deyil, həm də Ermənistanın bu günündə və gələcəyində nəyə hazır olduğumuzu soruşmağın vaxtıdır. Bu sualın cavabı partiyamızın yaradılmasının 40, yoxsa 50 illik yubileyinin suveren Ermənistan dövlətində qeyd ediləcəyini, yoxsa dövlətimizlə bərabər tarixin səhifələrində sadəcə olaraq yaddaşlarda qalacağını müəyyən edəcək.
Avropa.lnfo xəbər verir ki, bu sözləri Ermənistanın 3-cü prezidenti, RP sədri Serj Sərkisyan deyib.
Sərkisyan “son 3 onillikdə” Ermənistanın “nəhəng qurbanlar verdiyi” işğal siyasətinin puç və darmadağın olmasını etiraf edib və “dağıdıcı prosesi” dayandırmaq üçün bir sıra ümumi müzakirələrə və tədbirlərə başlamaq çağırışı ilə diaspora, Ermənistanın müttəfiqlərinə və tərəfdaşlarına müraciət edib.
Sərkisyan uğursuzluqların bütün günahını Nikol Paşinyanda görüb və 2018-ci ildə Nikolun hakimiyyətinə yol açdığı üçün ona irad bildirənlərə kəskin reaksiya verib:
“Partiyamızın son qurultayında demişdim ki, mən sizi məcbur etməmişəm ki, gedib sürüdə ən bərkdən anqıran eşşəyin alnından öpəsiniz. İndi son hadisələri nəzərə alaraq fikrimi davam etdirmək istəyirəm: Öpdüyünüz eşşəyi qapımıza bağlamayın. Alnından öpdüyü eşşəyə görə hər kəs cavabdehdir”.
Serj Sərkisyan ikinci prezident Robert Köçəryanın da “bostanına” daş atıb:
“Təəssüflər olsun ki, bu yolu hakimiyyət əldə etmək cəhdlərində uğursuzluğa düçar olanlar, o cümlədən keçmiş mübarizə tərəfdaşlarımız da seçiblər və belə çıxır ki, onların uğursuzluğunda bizim də günahımız var”.
