İranın bəzi əyalətlərində qum fırtınası və havanın çirklənməsi səbəbindən bütün səviyyələrdə dövlət idarələri, banklar və təhsil müəssisələri bağlanıb.
Avropa.info xəbər verir ki, İranın rəsmi xəbər agentliyi İRNA-nın verdiyi məlumata görə, qum fırtınaları və havanın çirklənməsi ölkənin cənub-qərb hissəsindəki bəzi əyalətlərdə həyata mənfi təsir edib.
Havada tozun çox olması və nəticədə havanın çirklənməsi səbəbindən mərkəzi və atom elektrik stansiyalarının yerləşdiyi Lorestan, Kirmanşah, Kohgiluye-Buyer Əhməd və Buşehr əyalətlərində bütün səviyyələrdə rəsmi ofislər, banklar və təhsil müəssisələri bağlanıb .
Sözügedən əyalətlərdə təhsilin onlayn davam edəcəyi və təcili yardım xidmətlərinin işlərinə davam edəcəyi açıqlandı.
Digər tərəfdən, İraqın Bəsrə şəhəri və Fars körfəzi ilə qonşu olan Xuzistan vilayətinin Hava Limanı Müdirliyindən verilən açıqlamada, qum fırtınası səbəbiylə uçuşlarda fasilələrin olduğu və Əhvaz şəhərində 3 reysin ləğv edildiyi açıqlanıb.
Əlverişsiz hava şəraiti ilə əlaqədar 8 reysin növbəti xəbərdarlıqa qədər təxirə salındığı bildirilib. Sərnişinlərdən uçuş məlumatı üçün Əhvaz Beynəlxalq Hava Limanının internet səhifəsini izləmələri xahiş olunur.
Qum fırtınaları və havanın çirklənməsi İranın bəzi bölgələrində təsirli olsa da, Tehran da daxil olmaqla 22 əyalətdə tufan və güclü yağış gözlənilir.
