ABŞ-ın bir çox şəhərində on minlərlə insan prezident Donald Tramp və onun administrasiyasına etiraz edib.
Paytaxt Vaşinqton və Nyu-York başda olmaqla, ölkə daxilində “Əlləri bağla” adlı nümayişlərə on minlərlə vətəndaş qatılıb.
Vaşinqton Abidə Parkına toplaşan minlərlə insan əllərində ABŞ bayraqları ilə yanaşı, pankart və lövhələr tutaraq Tramp administrasiyasının siyasətinə etiraz ediblər .
Nümayişçilər Tramp administrasiyasına və milyarder iş adamı İlon Maskın rəhbərlik etdiyi Hökumətin Səmərəliliyi Departamentinin (DOGE) təcrübələrinə öz reaksiyalarını “Əllərini demokratiyadan çək”, “Trampı impiçment et”, “Elon Mask, sən xainsən” və “Nifrəti deportasiya et” şüarları ilə ifadə ediblər.
Fələstinə dəstək nümayişi
Digər tərəfdən, minlərlə nümayişçi Vaşinqtonda Konqres binasının qarşısındakı Milli Mall sahəsinə toplaşaraq, əllərində Fələstin bayraqları, pankart və lövhələrlə İsrailin Qəzzaya hücumlarına etiraz edib və Fələstinə dəstək nümayiş etdiriblər.
Etirazçılar “Fələstinə azadlıq”, “Soyqırıma son” və “Tramp, Fələstin soyqırımını gizlədə bilməzsən” kimi şüarlar səsləndirərək, İsrailin Qəzzaya qarşı davam edən soyqırım hücumlarını və Tramp administrasiyasının İsrailə dəstəyini pisləyib.
İzdihamın daşıdığı işarələr arasında Fələstinə verdiyi dəstəyə görə son həftələrdə İmmiqrasiya və Gömrük Mühafizəsi əməkdaşları tərəfindən saxlanılan Kolumbiya Universitetindən fələstinli fəallar Mahmud Xəlil və Tufts Universitetinin doktorantı Rümeysa Öztürkün azad edilməsini tələb edən lövhələr də var .
Qurultay binası qarşısına toplaşan Fələstini dəstəkləyən kütlə arasında pravoslav yəhudi qrupunun olması diqqətdən yayınmayıb.
Vaşinqton polisi etirazlar səbəbilə ərazidə geniş təhlükəsizlik tədbirləri görüb, bəzi küçə və prospektləri nəqliyyatın hərəkətinə bağlayıb.
Nyu Yorkda nümayişlər
Bəzi yerlərdə yağan güclü yağışa baxmayaraq, minlərlə nümayişçi Nyu-Yorkda, xüsusilə Bryant Parkda meydanları dolduraraq Tramp administrasiyasına etiraz ediblər.
Bundan əlavə, Trampın Hökumətin Səmərəliliyi Departamentinə (DOGE) rəhbər təyin etdiyi milyarder iş adamı İlon Maskın siyasətinə də reaksiya olub.
Nyu Yorkdakı nümayişə qatılanların sayının 10 minə yaxın olduğu iddia edilib.
ABŞ mediası ölkə daxilində 1200-dən çox fərqli yerdə nümayişlərin keçirildiyini, 150-dən çox qrup tərəfindən təşkil edildiyini və bu nümayişlərə qatılmaq üçün 600 minə yaxın müraciət edildiyinə diqqət çəkib ki, bu nümayişlərdə Trampın ikinci prezidentliyi dövründə indiyə qədər keçirilən ən böyük nümayişlər olub.
