Rusiya-Ukrayna müharibəsinin müvəqqəti də olsa dayandırılması ilə bağlı Donald Trampın təkliflərini Vladimir Putinin müxtəlif şərtlər irəli sürməklə faktiki rədd etməsi səbəbindən Donald Trampın Rusiyaya qarşı ritorikasına hədələyici xarakter verib.
Bunu Avropa.info-ya Milli Cəphə Partiyasının başqan müavini, tanınmış hüquqşünas Vüqar Dadaşov deyib
Onun sözlərinə görə Tramp Putin üçün, Putin də Tramp üçün çətin fiqurdur. Hər ikisi qeyri-adekvat, oturuşmuş beynəlxalq siyasi-diplomatik xətdən kənar gedişləri ilə qeyri müəyyən siyasi liderdilər. Məhz bu səbəbdən də Putin ABŞ – da keçən prezident seçkilərində Kamilla Harrisin namizədliyinə qədər Co Baydeni dəstəkləyirdi.
ABŞ bütün imkanları ilə həm Ukrayna və Rusiyaya təzyiq edir ki, müharibə dayansın. Bəs ABŞ niyə bu qədər maraqlıdır? Əlbəttəki, Donald Trampın istəyi heç də nəseçkiqabağı verdiyi sözə, nə də humanitar məqsədlərə söykənmir.
Donald Tramp Ukraynanı ABŞ – la mineral ehtiyatları ilə bağlı müqaviləyə məcbur etmə cəhdini nəinki əksər dünya ictimayəti, hətta Rusiya üçün əlverişli nətiyə səbəb ola biləcək atəşkəsi özündə ehtiva edən həmin o müqavilənin ABŞ-Ukrayna arasında imzalanmasının əleyhinədir.
Rusiya ehtiyat edir ki, mineral ehtiyatlarla bağlı ABŞ – Ukrayna arasında müqavilə bağlanarsa ABŞ bütün Ukraynanı öz faktiki müstəmləkəsinə çevirməklə, həm də gələcəkdə Ukrayna ərazisində hərbi bazalarını yerləşdirə, yeni hərbi infrastruktur yarada bilər. Bu da faktiki, qeyri-rəsmi Ukraynanın NATO üzvlüyü və NATO-nun Rusiya sərhədlərinə yaxınlaşması, genişlənməsidir. Deməli, Rusiyanın Ukraynaya hücumu ilə qarşısına qoyduğu heç bir hədəfinə (Ukraynanın NATO-ya üzvlüyünə, NATO-nun Şərqə, Rusiya sərhədlərinə doğru genişlənməsinin qarşısını almaq) çata bilməyib. Əslində də, Putin 2022-ci il 24 fevralda başladşğı müharibədə paytaxt Kiyevə hücumun məqsədi məhz Kiyevdə Zelenski hakimiyyətini devirmək və Rusiya loyal birinin Ukraynada hakimiyətə gətirmək idi. Bu müharibədə Rusiya üçün planda ən ideal nəticə hakimiyyət dəyişiliyi dururdu.
Ancaq, Donald Trampın həm Ukraynaya və həm də Rusiyaya təklif etdiyi mineral ehtiyatlarla və atəşkəslə bağlı müqavilə, razılaşma ABŞ – ın de fakto Rusiya üzərində qələbənin rəsmiləşməsidir. Ukrayna isə ABŞ-ın bu qələbədən qazancıdır. Donald Trampın ikinci prezident səlahiyyətlərinə başladığı ilk günlərdən qeyd etmişdim ki, Donald Tramp ABŞ dövlətinin siyasətini, mahiyyət etibarı ilə Co Bayden siyasətini davam etdirmək məcburiyyətindədir. Co Baydenin Ukrayna vasitəsi ilə Rusiya qarşı apardığı müharibənin qazancını Donald Tramp ABŞ üçün rəsmiləşdirməsidir həyata keçirir.
Avropa.info
