Rusiya – Ukrayna müharibəsi ilə bağlı ABŞ Rusiya danışıqları çərçivəsində növbəti görüşün planlaşdırılmasına baxmayaraq, artıq bəllidir ki, danışıqlara maraq azalıb və əhəmiyyətini itirməkdədir. Bunu da qeyd edək, Ər-Riyadda baş tutan görüşlərdə və eləcə də telefon, diplomatik vasitələrlə ABŞ – Rusiya danışıqları təkcə Rusiya – Ukrayna müharibəsi ilə bağlı deyil.
Bunu avropa.info-ya Milli Cəphə Partiyasının başqan müavini Tanınmış Hüquqşünas Vüqar Dadaşov deyib.
Onun sözlərinə görə Qlobal yeni dünya düzənində Rusiyaya xüsusi rolun ayrılmasında Donald Trampın istəkləri təkcə Rusiyanı razı salmaq niyyətinə söykənmir. Əgər, Donald Tramp Rusiya – Ukrayna müharibəsinin dayandırılmasını Rusiyanın şərtlərinə uyğun Ukraynaya qəbul etdirə bilsəydi, ABŞ Rusiyanı Çinə qarşı özünə tərəf çəkə biləcəyinə ümid edə bilərdi, bəli ancaq və ancaq ümid. Donald Tramp və Vladimir Putin arasında sövdələşmənin tam həyata keçməsinə, daha doğrusu Ukraynanın kapitulyasiyasına prezident Vladimir Zelenskinin güclü və qorxmaz siyasi iradəsi mane oldu. Zelenskiyə həm fiziki-psixaloji, siyasi-diplomatik hücumlar, hərbi təhdidlər Tramp – Putin tandeminin istəyinə uyğun nəticələr vermədi. İndi Zelenski həm Tramp və həm də Putin üzərində psixaloji qalibdir.
Baxmayaraq ki, Trampın Rusiyaya qarşı publik ritorikasında müəyyən təzyiqlər sezilməyə başlasa da, Tramp Zelenskiyə görə planlarının pozulmasını qəbul edə bilmir. Putin isə əksinə, Donald Trampdan sona qədər istifadə etmək niyyətindədir. Trampı tərifləyir, Qrelandiya ilə bağlı faktiki ona dəstək verir və sair… Trampın yenidən prezident seçilməsindən sonra Rusiya – Ukrayna müharibəsi vasitəsi ilə Putindən yararlanmaq planı əksinə çevrilib. Putin, yaxud Tramp “kim kimi ovlamaq oyunu” açıq görünür.
Qaldı ki, Trampın Rusiyanı Çinə qarşı çevirmək cəhdinə, əlbəttəki Trampın belə bir niyyətinin, gedişinin öncədən iflası məlum idi və Trampın yanlışlığının əsasında onun siyasətə, dövlətlərə sırf kommersiya, qazanc prizmasından yanaşmasıdır, nəinki idealoji və psixaloji prinsiplərdən. Rusiya loyal sabiq dövlət başçılarının Rusiyaya sığınmağı, Putinin təhlükəsizlik zəmanəti, ümumən Rusiyanın ona loyal dövlət başçılarına etibarlılıq göstəricisidir. Putin heç bir şərt daxilində Bəşər Əsədi də Suriyanın yeni hökümətinə verən deyil. Tramp siyasi fəaliyyətində siyasi idealoji prinsipləri isə nəzərə almır.
Donald Tramp Vladimir Putin hər iki tərəf üçün sərfəli nəticələrə hesablanmış əldə etdikləri razılaşmaların tam realizəsi mümkün olmadı. Qara dənizdə tərəflərin gəmilərinin hərəkəti ilə bağlı, Pusiyaya qarşı müəyyən güzəştlərin müzakirəsi və sair bu kimi anlaşmaların mümkünlüyü ilkin Tramp – Putin razılaşmalarından çox uzaq mövzudur.
Avropa.info
