İsrailin baş naziri Benyamin Netanyahunun məhbus mübadiləsinə dair danışıqlarda HƏMAS-a təzyiq göstərmək üçün Qəzza zolağında soyqırımın intensivləşdirilməsi ilə bağlı təhlükəsizlik məsləhətləşmələri apardığı bildirilir.
Avropa .info xəbər verir ki, İsrailin dövlət televiziya kanalı KAN bildirib ki, “Netanyahu hazırda Qəzzadakı müharibə ilə bağlı təhlükəsizlik məsləhətləşmələri və məhbusların geri qaytarılmasına dair razılaşma üçün danışıqlar aparır”.
Qeyd edilib ki, məsləhətləşmələrdə atəşkəsin bitməsindən təxminən bir həftə sonra Qəzzada davam edən hücumların gələcəyi müzakirə edilib.
Adı açıqlanmayan İsrail mənbələrinə istinadən xəbər verir ki, İsrail hökuməti Qəzzada qurudan hücumunun əsaslı şəkildə genişləndirilməsini əhatə edən daha aqressiv əməliyyatlar planlaşdırır.
Həmçinin qeyd olunub ki, təhlükəsizlik və siyasi məsələlərlə bağlı qərarlar qəbul edən ixtisar edilmiş nazirlər şurası qatil İsrailin Qəzzada atacağı addımlarla bağlı qərarların verilməsi üçün martın 29-u, şənbə günü saat 20:30-da iclasa çağırılıb.
Hesabatda atəşkəsin bərpası və əsirlərin mübadiləsi ilə bağlı danışıqların “hələ də dayandırıldığı” və Misirin təxminən iki aylıq atəşkəs müqabilində beş israilli məhbusun azadlığa buraxılması təklifi verdiyi, lakin bu təşəbbüsün indiyədək uğursuz olduğu bildirilib.
Kanal 12 televiziyasında yayımlanan xəbərə görə, Qəzzada hücumlarla bağlı növbəti addıma qərar vermək üçün Müdafiə naziri Yisrael Katz, Baş Qərargah rəisi Eyal Zamir və təhlükəsizlik təşkilatından yüksək səviyyəli rəsmilərin iştirakı ilə Baş Nazirlik Ofisində təhlükəsizlik məsləhətləşmələri keçirilib.
Hesabatda qeyd olunub ki, son günlər “ danışıqları irəlilətmək üçün xüsusilə Misir tərəfindən çoxlu cəhdlər edilib , lakin bu, uğursuzluqla nəticələnib”.
18 Mart şiddətli hücumlar yenidən başladı
Hesabatda deyilir ki, ordu Netanyahunun rəhbərlik etdiyi təhlükəsizlik məsləhətləşmələri zamanı HƏMAS-ın yüksək səviyyəli liderlərini hədəf almağa davam edərək HƏMAS- a təzyiqi artırmaq və danışıqları irəli aparmaq planları hazırlayır . O, həmçinin bildirib ki, təhlükəsizlik qurumları danışıqları sürətləndirmək üçün Qəzzada nəzarəti genişləndirməyi və şimal və cənubda yeni əraziləri ələ keçirməyi təklif ediblər.
Qatil İsrail ordusu yanvarın 19-dan bəri tətbiq edilən atəşkəsi martın 18-də pozaraq Qəzza zolağına şiddətli hücumlarını bərpa edib .
Hücumlarda əksəriyyəti qoca, qadın və uşaq olmaqla 830-dan çox fələstinli həyatını itirib, 1663-dən çoxu isə yaralanıb.
İsrailin 7 oktyabr 2023-cü ildən Qəzza zolağına təşkil etdiyi hücumlarda həyatını itirən fələstinlilərin sayı 50 min 183, yaralıların sayı isə 113 min 828-ə yüksəlib.
