ABŞ-da Donald Tramp hökumətinin bəzi ölkələrə ABŞ-a səyahət qadağaları və ya məhdudiyyətlər tətbiq edəcək yeni tənzimləmə üzərində işlədiyi iddia edilib.
Avropa.info xəbər verir ki, “New York Times” qəzetinə danışan iki məmur, məsələdən xəbəri olan yeni qadağanın Trampın prezident kimi ilk dövründə verdiyi qadağadan daha əhatəli olacağını bildirib.
ABŞ Dövlət, Ədliyyə, Daxili Təhlükəsizlik Departamentləri və Milli Kəşfiyyat İdarəsi arasında tirajlandığı bildirilən yeni səyahət qadağası layihəsində ABŞ-ın milli təhlükəsizliyə təhdid olaraq gördüyü bəzi ölkələrin “qırmızı”, “narıncı” və “sarı” olaraq təsnif ediləcəyi ifadə edildi.
Bildirilib ki, qırmızı rəngli ölkələrin vətəndaşlarının ABŞ-a səyahətinə qadağa qoyulacaq, narıncı ölkələrə məhdudiyyətlər qoyulacaq, sarı rəngli ölkələrə isə “çatışmazlıqlarını” tamamlamaq üçün 60 gün vaxt veriləcək.
Əfqanıstan və Pakistanı da əlavə etmək olar
Narıncı və sarı ölkələrlə bağlı təfərrüat verilməsə də, qırmızı ölkələr arasında Trampın əvvəlki səyahət qadağasının əhatə etdiyi ölkələr olan İran, Yəmən, Liviya, Somali, Sudan, Suriya, Şimali Koreya, Kuba və Venesuelanın da yer alacağı və bunlara Əfqanıstan və Pakistanın da əlavə olunacağı iddia edilib.
Trampın prezidentlik fəaliyyətinin ilk dövründə “ABŞ-ı terror hücumlarından qorumaq” səbəbi ilə bu ölkələrin vətəndaşlarına səyahət qadağası qoyması uzun müddətdir mübahisələrə səbəb olmuşdu.
2024-cü ilin noyabrında keçirilən prezident seçkiləri kampaniyası zamanı Tramp, qalib gələrsə, bəzi əsasən müsəlman ölkələrinə ilk səlahiyyət müddətində tətbiq etdiyi mübahisəli səyahət qadağasını daha geniş və daha güclü formada bərpa edəcəyini söylədi.
