Hollandiyanın xarici işlər naziri Kaspar Veldkamp ölkəsinin Ukraynaya hərbi və mülki məqsədlər üçün 3,5 milyard avro dəyərində yeni dəstək paketi təqdim edəcəyini açıqlayıb.
Avropa .info-nun məlumatına görə Veldkamp ukraynalı həmkarı Andriy Sibihanın Rusiya ordusunun Dobropilya şəhərinə endirdiyi hava zərbələri ilə bağlı yazısına istinadən sosial şəbəkədə Rusiyanı qınayıb .
“Rusiyanın təcavüzü sərhəd tanımır. Ukrayna xalqını və kritik infrastrukturu qorumaq üçün təcili olaraq daha çox köməyə ehtiyac var”, – hollandiyalı nazir bildirib.
Hollandiyanın Ukraynaya hərbi və mülki dəstək üçün əlavə 3,5 milyard avro ayıracağını ifadə edən Veldkamp, ”Sülhə gedəcək tək yol güclənməkdən keçir” deyib. qiymətləndirmə aparıb.
Nazirlər yeni paketə təəccübləndilər
ABŞ administrasiyasının Ukraynadakı müharibəyə və Avropanın təhlükəsizliyinə yanaşması ilə bağlı narahatlıqları və gələcək yolu müzakirə etmək üçün Avropa İttifaqı (Aİ) liderlərinin çərşənbə günü keçirilən fövqəladə sammitindən sonra Hollandiyanın baş naziri Dik Şof Ukraynaya 3,5 milyard avroluq yardım paketi təqdim edəcəyinə söz verib.
Baş nazirin müavini və Səhiyyə, Rifah və İdman Naziri Fleur Agema Hollandiya mətbuatına verdiyi açıqlamada, Baş nazir Schoofun Ukraynaya 3,5 milyard avroluq öhdəliyindən xəbərsiz olduğunu ifadə edərək, “Bu öhdəlik bizim üçün sürpriz oldu. Bu mövzuda bir-birimizlə ciddi müzakirələr aparacağıq” dedi.
Məsələ ilə bağlı Hollandiya parlamentində aparılan danışıqlarda ifrat sağçı lider Geert Wilders hökumətin Ukraynaya 3,5 milyard avroluq dəstəyini davam etdirmək qərarı ilə bağlı qeyd-şərtsiz razılığa gələ bilməyəcəyini və bu məsələnin koalisiya razılaşmasına daxil edilmədiyini bildirib.
Schoof dünən keçirdiyi həftəlik mətbuat konfransında parlamentdə Ukraynaya 3,5 milyard avroluq yeni yardım paketi ilə bağlı müzakirələrlə bağlı “yaxşı görüş oldu” dedi və əlavə etdi ki, “3,5 milyard avro etibarlıdır”.
