Azərbaycanın xarici işlər naziri Ceyhun Bayramov ölkəsinin Fələstinin Nablus şəhərində 600 şagird yerlik məktəb tikintisi ilə bağlı öhdəlik götürdüyünü açıqlayıb.
Avropa .info xəbər Xarici İşlər Nazirliyinin yaydığı məlumata görə, Ceyhun Bayramov Səudiyyə Ərəbistanının Ciddə şəhərində keçirilən İslam Əməkdaşlıq Təşkilatında (İƏT) üzv ölkələrin Xarici İşlər Nazirləri Şurasının fövqəladə iclasında çıxış edib .
Qəzzada baş verən humanitar böhrana toxunan Bayramov bildirib ki, bölgədə çoxlu sayda günahsız insanın tələfatı, infrastrukturun dağılması, ərzaq və su qıtlığı narahatlıq doğurmaqda davam edir .
V.Bayramov dinc əhalinin ölümünə səbəb olan güc tətbiqinin yolverilməz olduğunu və bu vəziyyətə son qoymaq üçün təcili və qətiyyətli addımların atılmalı olduğunu vurğulayıb.
“Qardaş Fələstin xalqına hər zaman dəstək göstərməyə hazırıq”
Bu kontekstdə beynəlxalq hüquq normalarına uyğun olaraq suverenlik, ərazi bütövlüyü və güc tətbiqinin yolverilməzliyi prinsiplərinin ön planda saxlanmalı olduğunu deyən V.Bayramov yanvar ayında yaradılmış atəşkəs rejimini pozacaq və gərginliyi artıracaq hər hansı addımın atılmasının vacibliyini qeyd edib.
Bayramov atəşkəsin beynəlxalq hüquqa, o cümlədən Fələstin xalqının haqlı tələblərinə əsaslanan davamlı sülh prosesinin başlanğıcı olması baxımından əhəmiyyətli olduğuna diqqət çəkərək, Azərbaycanın Fələstin məsələsinin iki dövlət prinsipi əsasında həllini dəstəklədiyini bildirib.
Qardaş Fələstin xalqını dəstəkləməyə hər zaman hazır olduqlarını deyən Bayramov Azərbaycanın 2023-cü ilə kimi Fələstinə 2 milyon dollarlıq yardım etdiyini bildirib.
Bayramov 15 fələstinli tələbəyə “Heydər Əliyev Beynəlxalq Təhsil Təqaüdü” nün veriləcəyini və Azərbaycanın Nablusda 600 şagird yerlik məktəb tikməyi öhdəsinə götürdüyünü bildirib .
