Üç gün sonra istefaya gedəcək Kanada Baş naziri Castin Trüdo sonuncu mətbuat konfransında göz yaşlarını saxlaya bilməyib.
Avropa.info bu barədə “Daily Mail” nəşrinə istinadən xəbər verir.
Nəşrin məlumatına görə, Trüdo ABŞ Prezidenti Donald Trampın ona göstərdiyi təzyiqə tab gətirə bilməyərək ağlayıb.
“Bu ofisdə olduğum hər gün kanadalıları birinci yerə qoydum. Bu səbəbdən hökumətin son günlərində belə sizinlə olduğumuzu, bu gün və gələcəkdə kanadalıları heç vaxt məyus etməyəcəyimizi söyləmək üçün buradayam. Biz cavabımızda güclü və qətiyyətli olmağa davam etmək istəyirik və bir-birimizin yanında olmağa davam edəcəyik”.
Siyasətçinin sözlərinə görə, o, səlahiyyətlərini təhvil verməyi səbirsizliklə gözləyir.
Mənbə yazır ki, Tramp bir neçə gün ərzində Kanada Baş nazirini “tarif müharibəsi” ilə sıxışdırıb. Amerika lideri həmçinin Trüdoya dəfələrlə lağa edərək onu “ABŞ-nin 51-ci ştatının qubernatoru” adlandırıb.
