ABŞ prezidenti Donald Tramp Oval kabinetdə Ukrayna prezidenti Vladimir Zelenski ilə müzakirəsini “Zelenski dərhal (masaya) qayıtmaq istəyir, amma buna icazə verə bilmərəm” sözləri ilə dəyərləndirib.
ABŞ prezidenti Tramp Ağ Evdən çıxarkən jurnalistlərə Oval kabinetdə Zelenski ilə müzakirəsi haqda danışıb.
Zelenski ilə görüşünün yaxşı getmədiyini deyən Tramp, “O, əlini çox çaldı. Biz sülh axtarırıq, barışmayacaq birini axtarmırıq. Mən sülh axtarıram. On illik müharibəyə girib oyun oynamaq istəmirik ” deyib.
Zelenskinin sülh sazişi bağlamaq istəyi ilə bağlı sual işarələrinin olduğunu deyən Tramp, “Mən dərhal sülh istəyirəm. Prezident Putin də bunu etmək istəyəcək. Bu oğlan (Zelenski) bizim mübarizəyə davam etməyimizi istəyir” dedi.
Zelenskinin barışmaq istəyən adam kimi görünmədiyini iddia edən Tramp deyib:
“Zelenski dərhal (masaya) qayıtmaq istəyir, amma buna icazə verə bilmərəm. Onlar dərhal atəşkəs etməlidirlər. Atəşkəs dərhal baş verə bilər. Müharibəni bitirmək istəyirsənsə, müəyyən müddətə müqavilə imzalayırsan. Bunun dərhal bitməsini istəyirəm. Birdən o, böyük bir insan oldu. Çünki ABŞ onun yanındadır. Onunla mübarizə aparmayacağıq, ya da bacarmayacağıq biz.”
