Avropa.info-nun əldə etdiyi məlumata görə Ötən gün ECB-nin trilyonlarla avroluq pul hərəkətlərini dəstəkləyən sistemindəki texniki problemlər qitədəki kommersiya banklarının ödəniş əməliyyatlarında böyük çətinliklər yaratsa da, bu problemlərin bəziləri bu gün də müşahidə olunub.

Banklar bu gün hələ də ödənişləri həyata keçirməkdə çətinlik çəksələr də,  Almaniyada pensiya  ödənişləri və qiymətli kağızların ticarəti də bu vəziyyətdən təsirlənib.

Almaniya  Mərkəzi Bankı  (Bundesbank) açıqlamasında bildirib ki, texniki problemlər səbəbindən Bundesbank sistemləri vasitəsilə pensiya və sosial yardım köçürmələri kimi bank ödənişləri gecikir və onların gəlməsi adi haldan bir neçə saat daha çox çəkə bilər.

ECB problemin səbəbinin hardware nasazlığı olduğunu izah edib.

ECB-nin məlumatına görə, bankların real vaxt rejimində ödənişləri (RTGS-Target2) ilə bağlı problemlər də var idi ki, bu da köçürülən pulun dərhal (10 saniyə) alıcıya çatmasına imkan verir.

Avropada standart ödəniş üsulu ilə pul adətən köçürmə sifarişi verildikdən bir gün sonra alıcının hesabına köçürülür.

ECB bankların ödənişləri emal etmək qabiliyyətini dünən gecə yarısından sonraya qədər uzadıb və bir çox bankiri işdən artıq işləməyə məcbur edib.