Avropa.info-nun məlumatına görə Fransanın  Baş naziri Fransua Bayrounun dünənki  Nazirlər Şurasının immiqrasiya ilə bağlı iclasında  ölkəsinin  Əlcəzair vətəndaşlarına  xüsusi status verən 1968-ci il müqaviləsini nəzərdən keçirməsi  və bunun üçün 1 ilə 6 həftə vaxt verəcəyi barədə açıqlamasının ardından Əlcəzair Xarici İşlər Nazirliyi  mövzu ilə bağlı yazılı açıqlama verib.

Bəyanatda Əlcəzairin “ultimatumları, təhdidləri və son tarixləri” rədd edərək, Fransanın sazişə yenidən baxılması tələbinə qəti şəkildə qarşı çıxdığı və qarşılıqlılıq prinsipini tətbiq edəcəyi vurğulanıb.

Baş nazir Bayrounun razılaşmanı nəzərdən keçirmək tələbinin rədd edildiyi bəyanatda aşağıdakılar qeyd edildi:

“1968-ci il İmtiyazlı Miqrasiya Müqaviləsində artıq məzmunu və mahiyyəti tamamilə boşaldılmış hər hansı müdaxilə Əlcəzairin eyni xarakterli digər razılaşma və protokollarla bağlı oxşar qərar qəbul etməsinə səbəb olardı. Əlcəzair ultimatumlar, son tarixlər və təhdidlərlə üzləşməkdən qəti şəkildə imtina edir.”

Maraqlıdır ki, nazirliyin bəyanatı  Əlcəzair Prezidenti Əbdülməcid Tebbun Ali Təhlükəsizlik Şurasının iclasına  sədrlik etdikdən sonra dərc edilib .

Əlcəzair və Fransa 1968-ci ildə İmtiyazlı İmmiqrasiya Sazişi imzaladılar. Müqavilə Əlcəzair vətəndaşlarının Fransaya gəlişi, gedişi, işləməsi və yaşaması şərtlərini tənzimləyir.