33 il bundan öncə baş verən Xocalı soyqırımı XX əsrin dəhşətli faciələrindən biri kimi qan yaddaşımıza yazıldı. Xaricdəki havadarlarının, o cümlədən 366-cı alayın dəstəyi ilə ermənilər 1992-ci il fevralın 25-dən 26-na keçən gecə Xocalı şəhərində dinc əhaliyə qarşı kütləvi qətliam törətdi. Nəticədə 600-dən çox insan, o cümlədən uşaqlar, qadınlar və qocalar amansızcasına qətlə yetirildi. Bu soyqırım təkcə Azərbaycan xalqına deyil, bütün bəşəriyyətə qarşı törədilmiş bir cinayət idi”.
Bunu Avropa.info-ya açıqlamasında Milli Məclisin deputatı İlham Məmmədov deyib.
Deputat bildirib ki, ermənilərin havadarlaırnın dəstəyi ilə Azərbaycan xalqına qarşı bəşəri cinayətlər törətməklə öz işğalçılıq siyasətini reallaşdırmaq idi: “Amma Azərbaycan insanı öz mətinliyini qorudu və düşmən qarşısında sınmadı. Özünü toparladı, gücləndi. Xalqımızın xilaskarı Ulu öndər Heydər Əliyevin və onun siyasi irsinin layiqli davamıçısı, müasir Azərbaycan tarixinə qızıl hərflərlə qərhərmanlıq salnaməsi yazan 50 milyonluq azərbacanlıların lideri olan cənab İlham Əliyevin uzaqgörən, məqsədli siyasəti nəticəsində ermənilərin işğalçılıq siyasətinə son verildi. İstər Xocalının, istərsə də son 35 ildə Azərbaycan xalqına törədilən soyqırım siyasətinin, hərbi cinayətlərin qisası savaş meydanında alındı.
Cənab Prezident İlham Əliyevin bəyan etdiyi kimi, Azərbaycanın bu ədaləti döyüş meydanında təmin etməsi beynəlxalq hüquqa və tarixi ədalətə tam uyğun idi. Günahsız Xocalı qurbanlarının qisası döyüş meydanında alındı. Düzdür, bu ədalət 31 ildən sonra bəpa olunsa da, amma Xocalı qurbanlaırnın qanı yerdə qalmadı. Xocalıda üçrəngli Azərbaycan bayrağı dalğalandı.
Artıq biz yenidən Xocalıya qayıtdıq. Nəinki Xocalıya işğladan azad olan digər yaşayaış məntəqlərinə qayıtdıq və bu proses davam edir.
Biz geri qaytısaq da, tariximizin acı səhifələrini unutmuruq. Biz Xocalı soyqırımını heç vaxt unutmadıq və bundan sonra da unutmayacağıq. Bu dəhşətli cinayət gələcək nəsillərə ötürüləcək.
Onu da əminliklə demək istərdim ki, cənab prezident İlham Əliyevin yürütdüyü uzaqgörən siyasət nəticəsində biz Qarabağ, Xocalıya, Şərqi Zəngəzura yenidən qayıtdığımız kimi, tezliklə Qərbi Azərbaycan torpaqları olan Zəngəzura, Basarkeçərə, Göyçəyə, Dərələyəzə və digər tarixi torpaqlarımıza qayıdacağıq”.
