Türkiyə Milli Kəşfiyyat Təşkilatı 2013-cü ildə Reyhanlıda 53 nəfərin ölümü ilə nəticələnən terror aktını törədənlərdən biri Temir Dükancı Suriyadan Livana qaçmaq üzrəykən yaxalayıb.
Milli İstihbarat Təşkilatı (MİT) 2013-cü ildə Reyhanlıda həyatını itirən 53 nəfərin qanını nəzarətsiz qoymayıb.
MİT, Reyhanlı hücumunu törədən və eyni zamanda Suriya kəşfiyyatının əməliyyatçısı olan Temir Dükancının Reyhanlı partlayışlarında istifadə edilən partlayıcıların dəniz yolu ilə Türkiyəyə daşınmasına kömək etdiyini və partlayıcıların daşınması üçün maşınları təmin etdiyini müəyyən edib.
Fəaliyyətləri MİT tərəfindən addım-addım təqib edilən Dükancının Suriyadakı son hadisələr nəticəsində Livana qaçmağı planlaşdırdığı öyrənilib.
Onun xaricdəki nümayəndələrə qarşı hücum planlaşdırdığı müəyyən edilib
Dükancının burada toplayacağı təşkilat üzvləri ilə Türkiyənin xaricdəki nümayəndələrinə qarşı aksiya keçirməyi planlaşdırdığı və bu səbəbdən saxta pasport axtarışında olduğu müəyyən edilib.
Terrorla bağlı axtarışda olanlar siyahısında “narıncı kateqoriya”da yer alan Dükancının yeri dəqiq müəyyən edildikdən sonra tədbir görülüb.
Terrorçu MİT-in Suriya-Livan sərhədində keçirdiyi sərhəd əməliyyatında yaxalanaraq Türkiyəyə gətirilib. Suriyadan Livana qaçmaq istəyərkən yaxalanan Dükancı Hatay İl Polis İdarəsinə təhvil verilib.
MİT 2018-ci ildə hücumu törədənlərdən Yusuf Nazik, 2025-ci ilin yanvarında isə Məhəmməd Dib Koralı Suriyada yaxalayaraq Türkiyəyə gətirmişdi.
