Avropa.info xəbər verir ki, HƏMAS-ın hərbi qanadı İzzəddin əl-Qəssam Briqadalarının sözçüsü Əbu Ubeydə sabah keçiriləcək məhbus mübadiləsinin 8-ci turunda azadlığa buraxılacaq 6 israilli məhbusun Eliya Koen, Ömər Şem-Tov, Ömər Venkert, Tal Shoham, Avera Mengistu və Hişam əl-Sayed olduğunu açıqlayıb.

İsrail mediası Hişam əl-Sayed və Avera Mengistu-nun  10 ildən artıqdır ki,  Qəzza zolağında əsir saxlanıldığını bildirib  .

Digər tərəfdən, işğalçı İsrail Baş nazirliyi Mətbuat İdarəsi yazılı açıqlama verərək, HƏMAS-ın sabah sərbəst buraxacağı 6 yaşayan İsrailli məhbusun adlarını aldıqlarını açıqlayıb.

Qeyd olunub ki, azadlığa buraxılacaq 6 məhbusun ailəsinə də məlumat verilib.

Vasitəçi ölkələrdən biri olan Qətər yanvarın 15-də İsrail və  HƏMAS-ın  Qəzzada atəşkəs və əsir mübadiləsi ilə bağlı razılığa gəldiyini açıqlayıb.

Müqavilə yanvarın 19-u bazar günü Türkiyə vaxtı ilə saat 12.15-də qüvvəyə minib. Üç fazalı atəşkəs razılaşmasının ilk 42 günündə 33 israilli və 1900-dən çox fələstinli məhbusun azadlığa buraxılması qərara alınıb.

HƏMAS indiyədək məhbus mübadiləsi çərçivəsində 19-u sağ və 3-ü ölü olmaqla 22 israilli məhbusu təhvil verib.

İşğalçı İsrail administrasiyası HƏMAS-ın gələn həftə dörd israilli məhbusun cəsədlərini təhvil verəcəyini açıqlayıb.