Fələstin Azadlıq Təşkilatına (FAT) bağlı Əsir və Azad Edilənlər Nümayəndəliyi və Fələstin Əsirlər Dərnəyinin birgə bəyanatında məsələ ilə bağlı məlumat verilib.

İsrail əsgərləri İordan çayının qərb sahilinin bir neçə şəhərinə basqın edərək   , aralarında uşaqların da olduğu ən azı 30 fələstinlini saxlayıblar.

Açıqlamada qeyd olunub ki, İsrail ordusunun yanvarın 21-də başlatdığı reydlər nəticəsində Cenində 175, Tülkərim şəhəri və qaçqın düşərgəsində isə ən azı 150 nəfər saxlanılıb.

İsrailin  Qəzza zolağına hücumuna başladığı  7 oktyabr 2023-cü ildən bəri  işğal altındakı İordan çayının qərb sahili və Şərqi Qüdsdə  fələstinlilərə qarşı həbslər, basqınlar və hücumlarda artım müşahidə olunur .

Bu müddət ərzində işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumları nəticəsində 167-si uşaq olmaqla 917 fələstinli həyatını itirib, 7 minə yaxın insan isə yaralanıb.