İsrail əsgərlərinin Qəzza zolağına hücumları zamanı boynuna partlayıcı qurğu bağlanmış 80 yaşlı kişidən canlı qalxan kimi istifadə etdiyi bildirilir.
Avropa.info xəbər verir ki, Yerli media, adı açıqlanmayan İsrail əsgərlərinin Qəzzada 80 yaşlı kişidən canlı qalxan kimi istifadə etdiklərini etiraf etdiklərini yazıb .
Qəzzanın şimalında yerləşən Zeytun bölgəsində baş verən hadisədə 80 yaşlı fələstinli kişi və həyat yoldaşının İsrail əsgərləri tərəfindən evlərində tapıldığı bildirilir.
İsrail əsgərləri əsa ilə gedən adamın boynuna partlayıcı bağlayaraq canlı qalxan kimi istifadə edib və qaçacağı təqdirdə boynunda olan partlayıcını işə salacaqları ilə hədələyiblər.
Hətta yeriməkdə çətinlik çəkən yaşlı adamın İsrail əsgərləri tərəfindən ərazidəki evlərdə bubi tələsi və müqavimət qruplarının olub olmadığını yoxlamaq üçün binalara göndərildiyi bildirilib.
Canlı qalxan kimi istifadə edilən kişinin həyat yoldaşının da evlərində İsrail əsgərləri tərəfindən nəzarətdə saxlanıldığı bildirilib.
Hadisənin şahidi olan adı açıqlanmayan İsrail əsgəri “O, bizdən əvvəl hər evə daxil olub ki, əgər bubi tələsi varsa, o, bizim tərəfimizdən deyil, onun tərəfindən işə salınsın”. dedi.
Bildirilib ki, İsrail əsgərləri 8 saat ərzində ərazidəki evlərə girərkən onlardan canlı qalxan kimi istifadə etdikdən sonra yaşlı kişi və həyat yoldaşından Zeytun məhəlləsini tərk edərək cənuba getmələrini istəyiblər.
Ancaq yaşlı kişidən canlı qalxan kimi istifadə edən əsgərlərin, yaşlı cütlüyün sözügedən bölgədən cənuba keçmək üçün yola çıxdığını bölgədəki digər İsrail əsgərlərinə bildirmədiyi bildirilib.
Bölgədəki digər İsrail əsgərlərinin Zeytun məhəlləsini tərk etməyə çalışan yaşlı fələstinli cütlüyə atəş açdığı bildirilib.
Canlı qalxan kimi istifadə edilən 80 yaşlı fələstinli və həyat yoldaşının küçədə güllələnərək öldürüldüyü bildirilib.
Qəzzada 15 ay ərzində soyqırım həyata keçirən İsrail əsgərlərinin fələstinli mülki şəxslərdən canlı qalxan kimi istifadə etdiyinə dair çoxlu sübutlar ortaya çıxıb .
