Respublika Uşaq Kitabxanasına məktəblilərin ekskursiyası təşkil olunub
Kitabxanadan Avropa.info-ya bildiriblər ki, 6 fevral 2025-ci il tarixində Respublika Uşaq Kitabxanasına “Kaspi” Liseyinin şagirdlərinin eksursiyası təşkil olunub. Kitabxana əməkdaşları şagirdlərə uşaq folklor antologiyasının banisi Firidun bəy Köçərlinin tərtib etdiyi “Balalara hədiyyə” kitabından nümunələr oxuduqdan sonra sual-cavab sessiyası təşkil ediblər.
Həmçinin kitabxananın əməkdaşı məktəbliləri “Afrika safarisi” adlı kitabdan təbii mühitlərin müxtəlifliyi, tropik meşələr, su hövzələrinin sakinləri, müxtəlif heyvanlar və s. barədə məlumatlarla tanış edib.
Ekskursiyaların təşkil olunmasında əsas məqsəd uşaqları kitabxananın zəngin kitab fondu ilə yaxından tanış etmək, onlarda mütaliə mədəniyyətini artırmaqdı
