Cəfər Cabbarlı adına Respublika Gənclər Kitabxanası 2 Fevral – Azərbaycan Gəncləri Günü ilə əlaqədar silsilə materiallar – “2 Fevral – Gənclər Günü” adlı biblioqrafik icmal, virtual və ənənvi kitab sərgisi hazırlayaraq istifadəçilərə təqdim edib.
Avropa.info xəbər verir ki, Hazırlanan materiallarda Azərbaycanda dövlət gənclər siyasəti haqqında qəbul edilən rəsmi sənədlərin-qanun, fərman və sərəncamların tam mətni, “2 Fevral – Gənclər Günü”nün tarixi, ölkədə uğurla həyata keçirilən gənclər siyasəti, gənclərlə əlaqədar elm, təhsil, mədəniyyət, idman sahəsində qazanılan uğurlar haqqında geniş məlumat verilir. Biblioqrafik icmalda “Gənclərimiz sabahımızdır!” başlığı altında Azərbaycan gəncliyinin elmi, mədəni, iqtisadi, siyasi sferalarda qazandığı uğurlar, cəlb olunduğu beynəlxalq layihələr, ölkədə gənclərə daimi diqqət və qayğının bariz nümunəsi olan “Gənclər İli”, “Gənclər Fondu”nun, “Azərbaycan gənclərinin xarici ölkələrdə təhsili üzrə Dövlət Proqramı”, gənclər üçün “Prezident Mükafatı”nın təsis edilməsi, könüllülük hərəkatı, gənclərlə əlaqədar müxtəlif sahələrdə qəbul edilən proqramlar haqqında geniş məlumat təqdim edilir. Kitabxananın rəsmi saytında yerləşdirilən https://ryl.az/multimedia/gencler-gununuz-mubarek virtual kitab sərgisində Ümummilli Lider Heydər Əliyevin, cənab Prezident İlham Əliyevin gənclərə xitabən söylədikləri nitqlərdən parçalar da təqdim olunur
Kitabxana əməkdaşları tərəfindən hazırlanan biblioqrafik icmalda https://ryl.az/funds/biblioqrafik-icmal gənclik haqqında aforizmlər, gənclər siyasəti mövzusunu əhatə edən “İlham Əliyev və müasir Azərbaycan-gənclərin gözü ilə”, “Azərbaycanın gənclər siyasəti”, “Azərbaycanda gənclər hərəkatı”, “Qloballaşma və müasir gəncliyin tərbiyə problemləri”, “Gənclərin milli-mənəvi dəyərlər əsasında tərbiyəsi” 20-dən çox kitabın biblioqrafik təsviri, qısa annotasiyası və dövrü mətbuat nümunələri əks olunur.
Kitabxanada təşkil edilən ənənəvi sərgidə gənclər siyasəti, gənclərin elmi, mədəni, siyasi, beynəlxalq sahədə fəaliyyətlərini əks etdirən kitablar, qəzet və jurnallar, kitabxana əməkdaşları tərəfindən hazırlanmış vəsaitlər sərgilənməkdədir
