“Suriya bizim üçün mənəvi vətəndir”
Avropa.info xəbər verir ki, bunu deputat Hikmət Babaoğlu Milli Məclisin bu gün keçirilən plenar iclasında bildirib.
“Düşünürəm ki, Azərbaycanın prioritetlərindən biri Şərqdə xarici siyasəti ilə bağlı yeni ideyaların müəyyənləşməsi idi. Azərbaycan Prezidenti qeyd etdi ki, biz qardaş Türkiyə ilə birlikdə Suriyanın bərpası məsələsində yaxından iştirak etməliyik. Azərbaycanın maarif və ictimai institutları bu məsələyə xüsusi fokuslanmalıdırlar. Çünki Suriya bizim üçün uzaq coğrafiya deyil.
Əgər 14-cü əsrdə Nəsimi Hələbə gedirdisə, deməli, Nəsimini Hələbə aparan səbəb Hələbin Azərbaycanın etnomədəni, din coğrafiyasının davamı olması idi. Bu gün də Nəsiminin məzarı hələ də Hələbdədisə, deməli, onun məzarının olduğu yer bizim üçün mənəvi vətəndir. Ona görə də düşünürəm ki, Suriya və Yaxın Şərqlə Azərbaycan münasibətlərinin yeni perspektivləri yaranıb”, – deyə deputat əlavə edib.
