Xəbər verildiyi kimi ötən gecə saat 23:20 radələrində “BakuBus” MMC-nin istismarında olan 189 nömrəli marşrut xətti üzrə hərəkət edən 99-JU-926 dövlət qeydiyyat nişanlı avtobus Maştağa qəsəbəsi, Nizami küçəsində yol nəqliyyat hadisəsinə uğrayıb.
Avropa.info xəbər verir ki,Bu barədə “Bakubus” MMC-dən məlumat yayib
MÖVZU İLƏ BAĞLI:
“Baku Bus”ın sürücüsü sükan arxasında infarkt keçirdi – Qəza oldu –VİDEO
Bildirilib ki, ilkin ehtimala görə, nəqliyyat vasitəsini idarə edən sürücü 1969-cu il təvəllüdlü Babayev Haşım ürəktutması ilə əlaqədar idarəetməni itirib və nəticədə nəqliyyat vasitəsi yolun kənarında yerləşən marketə çırpılıb.
Hadisə nəticəsində sürücü müxtəlif dərəcəli xəsarətlər alıb və dərhal tibbi yardım göstərilməsi üçün xəstəxanaya yerləşdirilib. Avtobusda 2 sərnişin olub və onlar arasında xəsarət alan olmayıb.
Məsələ ilə bağlı aidiyyəti qurumlar tərəfindən araşdırma aparılır.
Qeyd edilib ki, hazırda dəymiş ziyanın məbləği araşdırılır.
