Ermənistanın baş naziri Nikol Paşinyan Bakıda hərbi cinayətlər törətmək ittihamı ilə məhkəmə qarşısına çıxarılan ermənilər haqda danışıb və iddia edib ki, “bu şəxslərə qadağan olunmuş psixoaktiv maddələrin verildiyinə dair İrəvanda kəşfiyyat məlumatları var”, “məqsəd onların ifadələrindən istifadə edərək, regionda gərginliyi artıracaq bəyanatların verilməsidir”.
Hərçənd, Paşinyanın iddialarının əsas səbəbi qorxularıdır:
1. Bu dəstənin məhkəmədə verəcəyi ifadələr – etiraflar;
2. Bu etirafların Paşinyan da daxil olmaqla Ermənistanı ittiham altına salması;
İlk məhkəmə prosesində Araik Arutyunyan şəxsi təşəbbüsü ilə çıxış üçün söz alaraq, Gəncənin bombalanmasından danışdı və bildirdi ki, “vurulma əmrini o verməyib, onun belə bir səlahiyyəti, hətta rəy bildirməyə də imkanı olmayıb”. 44 günlük müharibə dövründə bütün əmrlər, o cümlədən, Azərbaycan şəhərlərinin bombalanması əmri də Paşinyan tərəfindən verilirdi. Məhkəmə prosesində hər şey Araik Arutyunyan və digərləri tərəfindən etiraf edilsə, bu, Ermənistanın, birbaşa Nikol Paşinyanın hərbi cinayətlərini isbatlayacaq. Hətta məhkəmə prosesində Ermənistanın dəhşətli cinayətlərinə dair çoxsaylı faktların ortaya çıxması da gözləniləndir.
Paşinyanın “qadağan olunmuş psixoaktiv maddələrlə” bağlı iddiası da məhz özünü sığortalamağa, Bakıdakı məhkəmə prosesinin və Ermənistanın hərbi cinayətləri ilə bağlı ortaya çıxması gözlənilən faktların legitimliyini şübhə altına almağa hesablanıb
