İmişli rayonunda qətl hadisəsi törədilib.
Avropa .info-nun bölgə bürosundan verilən xəbərə görə hadisə rayonun Sarxanlı kəndində qeydə alınıb.
Belə ki, 30 yaşlı Vüsal Allahverdiyev kənd ərazisində olan kafedə bıçaqlanaraq öldürülüb. O, boğazından aldığı xəsarətdən vəfat edib.
Hadisəni törətməkdə şübhəli bilinən kənd sakini 20 yaşlı Fərid Allahverdiyev polis əməkdaşları tərəfindən saxlanılıb.
Faktla bağlı rayon prokurorluğunda cinayət işi başlanılıb.
Qeyd edək ki, Fərid Lənkəran Dövlət Universitetinin II kurs tələbəsidir
