Gürcüstanda prezidentlik müddəti başa çatdıqdan sonra Salome Zurabişvili Arizona Dövlət Universitetinin Makkeyn İnstitutunda “Henri Kissincer 2025” tədqiqat proqramının iştirakçısı olub.
Avropa.info xarici mətbuata istinadən xəbər verir ki, o öz işinə görə təqaüd alacaq.
“Mən Kissincer Təqaüdünü almaqdan qürur duyuram”, – deyə Zurabişvili bildirib.
“Zurabişvili zəngin diplomatik, liderlik və siyasi təcrübəsindən yeni seçkilərə nail olmaq və ölkəsində demokratiyanı inkişaf etdirmək üçün istifadə edəcək”, – Makkeyn İnstitutunun məlumatında deyilir.
Xatırladaq ki, dekabrın 29-da Gürcüstan parlamentində altıncı Prezident Mixeil Kavelaşvilinin andiçmə mərasimi keçirilib. O, dekabrın 14-də Seçicilər Kollegiyası tərəfindən beşillik müddətə seçilib. Zurabişvili parlamenti qeyri-qanuni hesab etdiyi üçün istefa verməyəcəyini bildirib. Kavelaşvilinin inauqurasiyasından sonra o, prezident sarayını tərk edib, lakin özünü Gürcüstan prezidenti hesab etməkdə davam edir
