Xarkov vilayətində Rusiyanın müdafiəsi və Rusiya lideri Vladimir Putinin bütün işğal əməliyyatı pozulduqda Rusiya nüvə silahından istifadə edə bilərdi.

Avropa.info xəbər verir ki, bu barədə 2005-2010-cu illərdə Ukrayna Xarici Kəşfiyyat Xidmətinin rəhbəri olmuş general Nikolay Malomuj deyib.

Onun sözlərinə görə, söhbət Rusiyanın 2022-ci ilin ikinci yarısında Ukraynaya və dünyaya qarşı nüvə silahından istifadə etmək niyyətindən gedir.

O qeyd edib ki, bu, Xarkov vilayətində müdafiə qüvvələrinin hücum əməliyyatları zamanı Rusiya müdafiəsini yarıb birbaşa Luqanska doğru hərəkət edərkən baş verib:

“İşğalçının bütün əməliyyatının iflası gözlənilirdi. Putinin alternativi yox idi və taktiki zərbələr, NATO ilə qarşıdurma olarsa, ballistik zərbələr ehtimalını nəzərdə tuturdu. Amma o vaxt Çin lideri Si Szinpinlə Putin arasında görüşlər olub. Görüş zamanı Çin lideri Putinə ciddi şəkildə xəbərdarlıq edib ki, heç bir formada nüvə silahından istifadə etməsin”.

Onun sözlərinə görə, Çin daha sonra xəbərdarlıq edib ki, Rusiya bu cür addım atsa və nüvə təhlükəsi ilə qarşıdurma yaranarsa, Çin NATO-nun yanında olacaq