“ABŞ-nin yeni seçilmiş Prezidenti Donald Tramp Ukraynaya təyyarə ilə gələn ilk lider ola bilər”.
Avropa . info xəbər verir ki, bunu Ukrayna Prezidenti Volodimir Zelenski amerikalı bloqer Leks Fridmana müsahibəsində deyib.
Onun sözlərinə görə, lakin bu, ölkədə müharibə bitdikdən sonra baş tuta bilər: “Kiyev aeroportunun açılmasını çox istərdim. Ola bilsin, açarıq. Lakin bunun üçün müharibənin başa çatması, dayanıqlı sülh və hava hücumundan müdafiə vasitələri olmalıdır.
Tutaq ki, bu gün hansısa şəhərdən həmin vasitələri götürsək və aeroporta yönləndirsək, bu, ədalətsiz olardı. İnsanlar təyyarələrdən daha vacibdir. Amma an gələcək, düşünürəm ki, müharibə bitəcək və Prezident Tramp təyyarə ilə ölkəyə səfər edən ilk lider olacaq. Zənnimcə, bu simvolik hadisə olardı”.
Qeyd edək ki, Ukrayna üzərində mülki aviasiya 2022-ci il fevralın 24-də dayandırılıb.
