Aktau yaxınlığında qəzaya uğrayan təyyarənin pilotlarından biri Aleksandr Kalyaninov Bakı Avropa Liseyinin məzunu olub.
Avropa .info xəbər verir ki, bu barədə lisey məlumat yayıb.
Bildirilib ki, Aleksandr Kalyaninov liseyin ən parlaq məzunlarından biri olub və uşaqlıq arzusu olan pilotluq peşəsinə yiyələnib.
“Bu faciə təkcə ölkə üçün deyil, bizim üçün də şəxsi itkiyə çevrildi. Aleksandr arzularını gerçəkləşdirdi, pilot oldu və böyük uğurlar qazandı. Təəssüf ki, o, həyatdan çox erkən ayrıldı, lakin xidməti zamanı onlarla insanın həyatını xilas etdi” , – deyə liseydən bildirilib.
Həmçinin qeyd olunub ki, Kalyaninov tələbə olduğu illərdə liseyə Türkiyədən onun haqqında “Təşəkkür” məktubu göndərilib.
“Biz onu ağıllı, savadlı və mərd bir insan kimi tanıyırdıq. Hər dəfə uçan təyyarənin səsini eşidəndə Aleksandrı xatırlayacağıq. Ailəsinə və yaxınlarına dərin hüznlə başsağlığı veririk” , – liseyin açıqlamasında vurğulanıb
