Polşa Xarici İşlər Nazirliyi (XİN) Macarıstandakı səfirini məsləhətləşmələr üçün geri çağırıb.
Avropa.info xəbər verir ki, bu barədə Polşa XİN-in saytında məlumat verilib.
Polşa həmçinin Macarıstanın Varşavadakı səfirini notanın təqdim edilməsi üçün XİN-Ə çağırıb.
Etiraza səbəb Baş nazir Viktor Orban hökumətinin axtarışda olan Marçin Romanovskiyə (ədliyyə nazirinin keçmiş müavini) siyasi sığınacaq verməsidir.
Polşa XİN bildirib ki, bu qərarın siyasi təqiblə əsaslandırılması Polşa vətəndaşları və hakimiyyətinə qarşı təhqirdir.
Qeyd olunub ki, əgər Macarıstan öhdəliklərini yerinə yetirməsə, Polşa Avropa İttifaqı haqqında Müqavilənin 259-cu maddəsinə uyğun olaraq Macarıstana qarşı iş başlanması üçün Avropa Komissiyasına müraciət edəcək.
Romanovski Ədalət Fondunun vəsaitləri mənimsəməkdə ittiham olunur
