Gələn həftə Azərbaycanda bələdiyyə seçkiləri ilə əlaqədar hərbi hissələrdə, istintaq təcridxanalarında və cəzaçəkmə müəssisələrində seçki məntəqələrinin yaradılması başa çatdırılacaq.
Avropa.info xəbər verir ki, bununla bağlı məsələ Mərkəzi Seçki Komissiyasının (MSK) təsdiq etdiyi “Azərbaycan Respublikasında bələdiyyə seçkilərinin hazırlanıb keçirilməsi üzrə əsas hərəkət və tədbirlərin Təqvim Planı”nda öz əksini tapıb.
Qeyd edilib ki, seçki məntəqələrinin bilavasitə seçkilərdən əvvəl ümumi qaydada yaradılması dairə seçki komissiyaları (seçicilərin olduqları ərazilərdə müvafiq icra hakimiyyəti orqanı (Müdafiə Nazirliyi, Daxili İşlər Nazirliyi, Ədliyyə Nazirliyi) və bələdiyyə qurumlarının başçıları ilə birlikdə) tərəfindən həyata keçirilir.
Seçki Məcəlləsinə əsasən, bu, səsvermə gününə azı 50 gün qalanadək başa çatdırılmalıdır.
Təqvim planında bu müddət 2024-cü il dekabrın 10-dək nəzərdə tutulub
