Oktyabrın 8-də Moskvada Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putinlə görüşü olub. Putin həmçinin Ermənistanın baş naziri Nikol Paşinyanla görüşüb.
Avropa.info xəbər verir ki, mövzu ilə bağlı BiG.AZ-a danışan politoloq Elşən Manafov bildirib ki , rəsmi Moskva tərəfləri danışıqlar masasına dəvət edərək bölgədə gerçəklikdə kimin nüfuz sahibi olduğunu ABŞ-yə nümayiş etdirmək istəyir.Ermənistandan fərqli olaraq rəsmi Bakı okeanın o tayına boylanaraq mövqe sərgiləmir,özünü müstəqil və suveren dövlət kimi aparır.Elə buna görədir ki,ABŞ ilə münasibətlərdə son vaxtlar gərginlik özünü biruzə verir:
“Rəsmi Moskvanın təşəbbüsü ilə tərəflər arasında növbəti görüşün keçirilməsinə Rusiya və Qərb arasında bölgədə nüfuz dairəsi uğrunda gedən mübarizə konteksində yanaşmaq lazımdır.Azərbaycan tərəfindən fərqli olaraq rəsmi İrəvan danışıqların Rusiya platformasında aparılmasının əleyhinə çıxış edirdi. Bu, İrəvanın mövqeyinə Qərbdən olan bəlli təsirlərlə əlaqədar idi.Son vaxtlar Paşinyan iqtidarı Rusiyanın vasitəçilik edə biləcəyi danışıqlardan ümumiyyətlə imtina edirdi.
Hazırkı şəraitdə Paşinyanın bu danışıqlara razılıq verməsi Rusiyanın Ermənistana hələ də ciddi təsir imkanlarının qalmasının bariz göstərici oldu. Digər tərəfdən Rusiya Qərbə onun Ermənistan vasitəsilə bölgədən sıxışdırılıb çıxarıla bilməyəcəyi ilə bağlı mesajını verdi.
Tərəflər arasında sonuncu göruş Nyu-Yorkda BMT tədbirləri çərçivəsində ABŞ dövlət katibi Blinkenin iştirakı ilə baş tutmuşdu.Rəsmi Vaşinqton Bakının tələblərinin nəzərə alınmayacağı təqdirdə bu görüşdə konkret bir uğurun əldə edilməyəcəyini bilirdi. Sadəcə münaqişə tərəflərinə təsir imkanlarının olması faktını qabartmaq və bunu Moskvanın diqqətinə çatdırmaq naminə bu görüşdə moderatorluq edirdi. İndi eyni ssenari ilə rəsmi Moskva tərəfləri danışıqlar masasına dəvət edərək bölgədə gerçəklikdə kimin nüfuz sahibi olduğunu ABŞ-yə nümayiş etdirmək istəyir.
Azərbaycanın Rusiya ilə münasibətləri qarşlılıqlı,faydalı əməkdaşlığa söykənir,özünün milli,regionun təhlukəsizlik problemlərinin həllinə münasibətdə baxışlarını ehtiva edir.Ermənistandan fərqli olaraq rəsmi Bakı okeanın o tayına boylanaraq mövqe sərgiləmir,özünü müstəqil və suveren dövlət kimi aparır.Elə buna görədir ki,ABŞ ilə münasibətlərdə son vaxtlar gərginlik özünü biruzə verir.
Moskva görüşündə konkret razılıqların əldə edilməsi üçün Kreml hər iki tərəfi qane edən təkliflər paketi ilə çıxış etməlidir. Hazırkı şəraitdə Ermənistan hakimiyyətinə Qərbdən olan təsirlərin rakursunda bu mümkun deyil və ya Kreml Paşinyanı özundən incik salmamaq üçün ondan hələlik kardinal addlmların atılmasını tələb etmir.Qərbə öz yerini göstərmək üçün görüşün ümumiyyətlə baş tutması artıq Moskvanın Qərblə qarşıdurmada ciddi uğuru sayılmalıdır.Paşinyan bu göruşdən imtina etmək iqtidarında belə deyil. Ermənistanın Rusiya ilə başa çatmaqda olan bu ildə ticari dövriyyəsinin ümumi məbləği 15 milyard dollara çatmaqdadır,halbuki Azərbaycanla Rusiyanın ticari sövdələşmələrinin ümumi məbləği heç 5 milyard dolları ötməyib.Paşinyan bütün bunları anlayır. Ona görə də nə Avrasiya İqtisadi İttifaqından çıxmağa tələsir,nə də Gömruk İttifaqından,halbuki Qərbi məmnun etmək üçün KTMT-də fealiyyətini dondurduğunu bildirir.
Butövlükdə isə tərəflər danışıqların bu raunduna hazırkı dönəmin reallıqları şəraitindən yanaşırlar,perspektivdə isə vasitəçilərsiz danışıqlarda tərəflərin ortaq məxrəcə gəlməsi mümkündür. Hazırda erməni tərəfi məlum səbəblərə görə buna hazır deyil
