Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin maliyyə dəstəyi ilə Əlilliyi Olan Uşaq və Gənclərin İdmana İnteqrasiyası İctimai Birliyinin təkilatçlığı ilə “Fiziki Məhdudiyyətli Şəxslərə İdman Motivasiyasının Artırılması” adlı layihənin “Orta məktəbdə bir gün” adlı tədbirini həyata keçirib.
Avropa.info xəbər verir ki, tədbirdə fiziki məhdudiyyətli uşaqlar iştirak ediblər. Tədbirin məqsədi əlilliyi olan uşaqların ev təhsili olduğu üçün orta məktəbə getməməsi, əsas da inklüziv təhsildir. Tədbirdə uşaqlar Binəqədi rayonundakı Rüstəm Əliyev adına 3 nömrəli tam orta məktəbə gedərək, ilk dəfə parta arxasında əyləşib, həyat bilgisi və rəsm dərsləri keçiblər.
Tədbirdə təlimçi Gülşən Cəfərova uşaqlara və valdeyinlərə inklüziv təhsil haqqında məlumat verib.
Bu tədbir valdeyinlərə və uşaqlara böyük stimul və sevinc hissləri bəxş edib. Həssas qrupdan olan bu şəxslər dərsdə çox həvəsli və aktiv iştrak edərək, müəllimin suallarına cavab veriblər.
Rəsm dərsində uşaqlar istədikləri şəkilləri çəkib, müəllim tərəfindən qiymətləndiriliblər.
Sonda uşaqlara məktəb ləvazimatları paylanıb, məktəb tərəfindən uşaqlara hədiyələr verilib.
Avropa.info
