İrəvana axan qanunsuz milyardlar: Bakı nə etməlidir?
Rusiya-Ukrayna müharibəsi başladıqdan sonra Ermənistanın xarici ticarət dövriyyəsində kəskin artımlar müşahidə olunur. Rusiya ilə ixracatda və idxalatdakı bu artım ondan xəbər verir ki, Kremlə lazım olan bir sıra məhsullar Ermənistan vasitəsilə reeksport olunur. Bu durumda Avropa İttifaqının, eləcə də ABŞ-ın sanksiyalar fəlsəfəsinə uyğun olaraq Ermənistana qadağalar tətbiq olunmalıdır.
Avropa.info xəbər verir ki, bu sözləri Axar.az-a iqtisadçı alim, millət vəkili Vüqar Bayramov deyib.
O, süni şəkildə xarici ticarət dövriyyəsində baş verən kəskin artımların Ermənistanın sanksiyalardan yayındığını deməyə əsas verdiyini diqqətə çatdırıb:
“Ermənistana qarşı sanksiyaların tətbiqi məsələsi çox fərqli dairələrdə – Avronest parlamentlərarası iclasında belə müzakirə olundu, xarici ekspertlər tərəfindən xüsusi təqdimat həyata keçirildi. Amma təəssüf ki, Qərbdə rəsmi dairələr bu məsələyə göz yumurlar. Bu da Qərbdə ermənipərəst mövqeyin və ikili standartların olmasından xəbər verir. Faktiki olaraq Qərbin öz standartları ilə Ermənistana sanksiya tətbiq olunmalıdır, əvəzində isə dəstək müşahidə edirik”.
Millət vəkili bildirib ki, Azərbaycan QHT-lərinin bununla bağlı ABŞ və AB-nin müvafiq qurumlarına ünvanlandığı müraciət tam şəkildə əsaslandırılıb:
“Burada Ukrayna müharibəsi başladıqdan sonra Ermənistan-Rusiya arasındakı ticarət dövriyyəsində baş verən ciddi dəyişikliklər rəqəmlərlə göstərilib. İllər üzrə ticarət dövriyyəsi ilə bağlı rəqəmlər təsdiq edir ki, Ermənistan reeksport vasitəsilə məhz Rusiyaya beynəlxalq sanksiyalardan yayınmağa şərait yaradır. Təbii ki, məsələ ilə bağlı beynəlxalq ictimaiyyətə əsaslandırılmış mövqeyin təqdim edilməsi mahiyyətcə vacibdir. Bu konteksdən də ümid edək ki, Qərb dairələri bu müraciətə ciddi yanaşacaq, problemli prosesi qərəzsiz öyrənib, Ermənistana qarşı sanksiyaların tətbiqini həyata keçirəcəklər”.
Millət vəkilinin sözlərinə görə, bu məsələ Azərbaycan rəsmi olaraq həyata keçirəcəyi iş deyil:
“Əslində bunun vətəndaş cəmiyyəti, ekspertlər, eyni zamanda təbii ki, parlament üzvləri tərəfindən gündəmə gətirilməsi daha məqsəduyğundur. Azərbaycan dövlətinin bu istiqamətdə görə biləcəyi iş çox azdır
