“Əhalinin tibbi xidmətlərə əl çatımlılığı” ilə bağlı sorğunun nəticələri müzakirə olunub

12:52 - 28 Mart

“İslahatçı Qadınlar və İnnovasiyalar” İctimai Birliyi tərəfindən icra edilən Əhalinin səhiyyəyə əl çatanlılığı layihəsi çərçivəsində fokus qrup görüşü keçirilib.

Avropa.info xəbər verir ki, onlayn keçirilən fokus qrup müzakirəsində blogerlər, vətəndaş cəmiyyətinin və QHT-lərin tanınmış simaları iştirak edib.

Fokus qrup müzakirəsi zamanı 300 nəfər respondent arasında əhalinin stibbi xidmətlərdən yararlılıq səviyyəsi ilə bağlı verilmiş sualların cavabları tədbir iştirakçılarına təqdim olunub. Təqdimatı təqdim edən layihə rəhbəri Vüsalə Hüseynli qeyd edib ki, 300 respondent arasında keçirilmiş sorguda 20 sual yer alıb.

V. Hüseynli bildirib ki, sorğuda iştirak edən respodentlərimizdən 83, 1 faizi təhsilli, 11,3 faizi təhsilsiz, 5,6 faizi isə natatmam ali təhsilli olub:

“ Sorğuda iştirak edənlərdən 87,3 faizi məşğul əhali, 12,7% isə işsizlər olub.İcbari Tibbi Sığorta barədə məlumatlılıq səviyyəsinə aid suala 93,7 faiziştirakçı bəli, 6,3 faiz respondent isə xeyr cavabı verib. “ İcbari Tibbi Sığortadan istifadə etmisinizmi sualına – 42,3 faiz istifadə etmədiyini, 29,6 faiz İTS-dan bir dəfə istifadə etdiyini, 25,4 faizi isə bu xidmətdən bir neçə dəfə istifadə etdiyini qeyd edib.Sorğuda qeyd olunan müsbət cəhətləri kimi, İTS-nın bir çox xidmətləri əhatə etməsi, özəl klinikalarda baha qiymətə olan analizlərin və müayinələrin bir çoxunun dövlət xəstəxanalarında İTS ilə ödənişsiz olması qeyd olunub. Müsbət məqamlarla bərabər insanlar İTS istifadə zamanı ortaya çıxmış müəyyən problemləri də qeyd ediblər. Bunlar isə bu xidmətlərdən istifadə zamanı yaranmış uzun növbələrdir. Növbənin elektronlaşmaması, həkim personalının bəzilərinin savad dərəcəsinin yetərli olmaması, Xidmətlərlə bağlı icbari tibbi sığorta kartlarının təqdim olunması və s kimi narazı qalınan məqamlarda sorğuda yer alıb".

Layihə rəhbəri qeyd edib ki, qiymətləndirmə hesabatının nəticəsi olaraq,respodentlər tərəfindən qeyd olunan0 təkliflər hər birihesabata əlavə edilərək, lazımı qurumlara təqdim olunacaq.

Fokus qrup müzakirəsi zamanı İcbari Tibbi Sığorta Agentliyinin, TƏBİB-in və Azərbaycan Respublikası Səhiyyə Nazirliyinin səlahiyyətləri və əhaliyə verdikləri xidmətlərlə bağlıtəqdimat edilib. Təqdimatdan sonra əhalinin bu xidmətlərdən istifadəsi üçün yaradılmış şəraitin müsbət və mənfi tərəfləri müzakirə olunub. Tədbirdə çıxış edən QHT-nin tanınmış simaları Əliməmməd Nuriyev, Hafiz Həsənov, Cəsarət Hüseynzadə, Məleykə Əlizadə, Məhluqə Qaramanlı və s simalar təqdimatın nəticələri barədə fikir bildirrərək, öz təkliflərini irəli sürüblər.

Layihə rəhbəri Vüsalə Hüseynli qeyd edib ki, təqdim olunan sorgu və təqdimatın nəticələri ictimai birlik tərəfindən hazırlananqiymətləndirmə hesabatındaistifadə olunacaq.

Qeyd edək ki, layihənin əsas məqsədi ölkəmizdə fəaliyyət göstərən tibbi xidmətlərdən əhalinin istifadəsi ilə bağlı nəticələrin ölçülməsidir.