2023-cü ildə Trabzona 1 milyon 319 min 299 turist səyahət edib - FOTO

  • 13:02 - 11 Yanvar

2023-cü ildə Trabzona səfər edən yerli və xarici turistlərin sayı əvvəlki ilə nisbətdə 38% artaraq 1 milyon 319 min 299-a çatıb.

Avropa.info xəbər verir ki, Türkiyənin Mədəniyyət və Turizm Nazirliyinin məlumatına görə, ötən il şəhərdə 706 min 532 xarici, 612 min 767 yerli turist qalıb. Trabzonda 466 min 644 əcnəbi və 489 min 454 yerli turistin qaldığı 2022-ci illə müqayisədə xarici turist yerləşdirmə yerlərinin sayı 51%, yerli turistlərin sayı isə 25% artıb.

Trabzonu ən çox ziyarət edən Səudiyyə Ərəbistandan 286 min 465 nəfər olub. Ziyarətçi sıralamasında 60 min 375 ziyarətçi ilə Oman ikinci, 42 min 548 ilə Birləşmiş Ərəb Əmirlikləri üçüncü, Küveyt 42 min 425 ilə dördüncü, İordaniya isə 36 min 637 ziyarətçi ilə beşinci yerdə qərarlaşıb.

Sümela monastırına 451 min 453 adam maraq göstərib

Ötən il Sümela Monastırını 451 min 453 turist ziyarət edib. Öncəki ilin eyni dövrü ilə müqayisədə monastırı ziyarət edənlərin sayında 33% artım qeyd edilib.

Şəhərdə 2022-ci ildə 228 olan yerləşdirmə obyektlərinin sayı keçən il 7% artıb və yekun olaraq 244-ə, 16 min 965 çarpayı sayı isə 4% artaraq 17 min 642-yə çatıb.

Beynəlxalq uçuşlarda 21% artım

Ötən il Trabzona 66 ölkədən 3 min 856 uçuş həyata keçirilib. Əvvəlki ilin eyni dövrü ilə müqayisədə şəhərə uçuşların sayında 21% artım qeyd olunub. Ötən illərlə müqayisədə Trabzon Hava Limanı xarici terminalında sərnişin sayı 20% artaraq 460 min 622-yə çatıb.

Səyahət agentliklərinin sayının 296-ya yüksəldiyi şəhərdə 3 min 996 nəfər tutumlu 12 lisenziyalı restoran xidmət göstərir.

 

 

 


Oxunma sayı: 30845

Oxşar yazılar

“Bir qalanın sirri” Musiqili Teatrda açılacaq - FOTO
“Bir qalanın sirri” Musiqili Teatrda açılacaq - FOTO
  • 13:01 - 27 Aprel
Əmmanda turizm sərgisi keçirildi – FOTO
Əmmanda turizm sərgisi keçirildi – FOTO
  • 23:45 - 24 Aprel
COP29 Azərbaycanın malik olduğu imkanların təqdimatı olacaq - DEPUTAT
COP29 Azərbaycanın malik olduğu imkanların təqdimatı olacaq - DEPUTAT
  • 16:28 - 24 Aprel