Antalyada 13-cü Beynəlxalq Kurort Turizm Konqresi başladı

Antalyada 13-cü Beynəlxalq Kurort Turizm Konqresi başladı - FOTO

16:11 - 07 Dekabr

Mədəniyyət və Turizm naziri Mehmet Ersoy Antalyanın Belek Turizm Bölgəsindəki Nest Konqres Mərkəzində keçirilən “13-cü Beynəlxalq Kurort Turizmi Konqresi”nin açılışında çıxış edib. Turizmdə daha bir ili başa vurduqlarını bildirərək, turizm rəqəmlərini bu şəkildə qeyd edib:

“2023-cü il Yanvar-oktyabr aylarında qəbul etdiyimiz ümumi ziyarətçi sayı 50,2 milyon nəfəri ötüb. Türkiyəni tətil istiqaməti seçən xarici turistlərin sayı bu 10 ay ərzində, əvvəlki ilin eyni dövrünə nisbətən 11,58 faiz artım göstərib. Turizm gəlirləri baxımından isə, 2023 Yanvar-Sentyabr müddətində 42 milyard dollar gəlir əldə edilib. Keçən ilin eyni müddətində əldə edilmiş 35 milyard dollarlıq gəlir ilə müqayisədə, 20 faizlik bir artım müşahidə olunur.”

Türkiyənin turizmdə dünyanın super liqasında olduğuna diqqət çəkən nazir Ersoy, 2028-ci ildə hədəflərinin çox daha yüksək olduğunu, turizm-sənaye həmkarlarının dəstəyi ilə hədəflərinə nail olacaqlarını bildirdi.

TGA ilə 200 ölkədə tanıtım işi

Nazir Mehmet Ersoy Türkiyənin geosiyasi mövqeyinə görə keçmişdə olduğu kimi bu gün də böhranlar, regional münaqişələr, müharibələr, təbii fəlakətlər və qlobal problemlərlə üzləşdiyini bildirib.

Qlobal və regional böhranlara qarşı toxunulmazlığı artırmaq, keyfiyyətli turistləri Türkiyəyə cəlb etmək və turizm gəliri hədəflərini yüksəltmək məqsədi ilə 2019-cu ildə Türkiyə Turizm Təbliğ və İnkişaf Agentliyini (TGA) qurduğunu xatırladan nazir Ersoy, TGA’nın böhran dövrlərində tanıtım fəaliyyətlərinə qədər bir çox uğurlu layihəyə imza atdığı bildirdi.

Mehmet Ersoy, TGA ilə 33 ölkənin milli kanallarında intensiv tanıtımlar etdiklərini və təxminən 200 ölkədə rəqəmsal tanıtım fəaliyyətləri həyata keçirdiklərini bildirib. Rəsmi turizm platforması olan “GoTürkiye” internet saytının 10 fərqli dildə yayımlandığını bildirən nazir Ersoy, bu platformanın tarix, sağlamlıq, təbiət, inanc, velosiped, qolf turizmi, qastronomiya kimi 60-a yaxın mövzuda müxtəlif başlıqları olduğunu qeyd etdi.

Dünyanın hər yerindən mətbuat mənsublarının, influencer və turoperatorların Türkiyəyə qonaq etdiklərini xatırladan nazir Ersoy sözlərini belə davam etdirdi:

“20 noyabr tarixində verilən məlumata əsasən, ilin başlanğıcından etibarən 85 müxtəlif ölkədən 3140 mətbuat mənsubu və influencer, 3117 tur operatoru olmaqla, ümumilikdə 6257 nəfər Türkiyənin 73 şəhərində keçirilən 424 ayrı qonaqpərvərlik tədbirində iştirak edib. Bu müddət ərzində yalnız Antalyada 75 fərqli ölkədən təxminən 1680 nəfər qonaq olub”. Səslənişin davamında il sonunadək tanıtım işlərini davam etdirəcəklərini və 81 şəhərin hər birinin bu qonaqpərvərlik fəaliyyətlərinə daxil ediləcəyini də vurğuladı.

Mədəniyyət Yolu Festivalı 2028-ci ildə 35 şəhərə çatacaq

Nazir Ersoy turizmdə məhsul müxtəlifliyinə önəm verdiklərini və xüsusilə mədəniyyət turizmi sahəsində mühüm işlər gördüklərini bildirib.

2021-ci ildə İstanbulun Beyoğlunda başladılan Mədəniyyət Yolu Festivalı layihəsini daha geniş kütlələrə yaydıqlarını bildirən nazir Ersoy, bu il “Cümhuriyyətin 100-cü ilində 100 gündə 11 festival” şüarı ilə yola düşdüklərini və Türkiyə Kültür Yolu Festivalları çərçivəsində 11 bölgədə 400-ə yaxın məkanda 5 mindən çox tədbir keçirdiklərini qeyd etdi.

Hər il 5 şəhəri bu zəncirə daxil etməklə festivalların təsir sahəsini daha da genişləndirəcəklərini ifadə edən nazir Ersoy, 2028-ci ildə 35 şəhərdə Türkiyə Kültür Yolu Festivalı keçirməyi hədəflədiklərini bildirdi. Eyni zamanda qastronomiyanın turizmin ən əhəmiyyətli məhsul başlıqlarından biri olduğuna diqqət çəkərək, şəhərlərə “gastrocity” adını qazandırmaq üçün çox çalışdıqlarını ifadə etdi.

İstanbulun 2022-ci ildə Michelin Bələdçisinə daxil edildiyini xatırladan nazir Ersoy, 2023-cü il Michelin Bələdçisinin Türkiyə seçiminə İzmir və Bodrumu, 111 restoranın isə 2024-cü il seçiminə daxil edildiyini qeyd etdi. Ersoy yaxın illərdə Antalyanın da bu sırada yerini alacağına inandığını bildirdi.