48 il əvvəl törədilən qətl DNT sayəsində açıldı

48 il əvvəl törədilən qətl DNT sayəsində açıldı - FOTO

22:30 - 25 May

Kanadanın Kvebek əyalətində 1975-ci ildə cinsi təcavüzə məruz qalaraq öldürülən Şarron Prioru öldürən təcavüzkarın şəxsiyyəti 48 il sonra DNT nümunələrinin uyğunlaşdırılması nəticəsində müəyyən edilib.

Avropa.info xəbər verir ki, 1975-ci ildə Kanadanın Kvebek əyalətində törədilən qətlin faili 48 il sonra DNT sayəsində üzə çıxıb. 2022-ci ildə cinayət qeydlərini retrospektiv olaraq araşdıran polis Franklin Mayvood Romine adlı şübhəlinin məzarını açaraq götürdükləri DNT nümunəsinin 16 yaşlı Şarron Priorun öldürüldüyü cinayət yerindən götürülən nümunələrlə eyni olduğunu müəyyən edib.

Hadisə ilə bağlı açıqlama verən Kvebek polisi səlahiyyətliləri 29 mart 1975-ci ildə dostları ilə yeməyə getmək üçün evindən çıxan Priorun bir daha xəbər alınmayan cəsədinin 3 gün sonra meşəlik ərazidə tapıldığını xatırladıb. Səlahiyyətlilər cinsi təcavüzə məruz qaldıqdan sonra öldürüldüyü aşkar edilən Priorun üstü açılmamış qətli ilə bağlı ən azı 100 nəfərin araşdırıldığını, lakin həbs olunmadığını bildirib.

Səlahiyyətlilər daha əvvəl zorlama ittihamı ilə həbs cəzasına məhkum edilən Rominin məzarının mayın əvvəlində açıldığını və məzardan DNT nümunəsinin götürüldüyünü açıqlayıb. Rominin DNT-sinin hadisə yerindən götürülmüş nümunələrlə uyğunlaşdığını qeyd edən səlahiyyətlilər, Rominin də hadisə şahidlərinin verdiyi açıqlamaya uyğun gəldiyini açıqlayıb.

1946-cı ildə ABŞ-ın Qərbi Virciniya əyalətində doğulan Franklin Maywood Romine-nin 1974-cü ildə Qərbi Virciniya ştatında soyğunçuluq etdiyi evdə bir qadına cinsi təcavüz etdiyi üçün həbs olunsa da, daha sonra zaminə buraxıldığı paylaşılıb. Romine sərbəst buraxıldıqdan sonra onun Kvebekə getdiyi və Priora təcavüz etdiyi öyrənilib.

Kanada sərhəd orqanları tərəfindən deportasiya edilən Rominin 1974-cü ildə Qərbi Virciniyada cinsi təcavüz hadisəsinə görə 5 ildən 10 ilə qədər həbs cəzası çəkdiyi qeyd edilib. Səlahiyyətlilər, Maywood Romine-nin 1982-ci ildə 36 yaşında Kanadada naməlum səbəbdən vəfat etdiyini və doğulduğu Qərbi Virciniyada dəfn edildiyini bildirib.

Şarron Priorun Kanadada yaşayan 80 yaşlarında olan anası İvon Prior da həyatını qızının qatilini tapmağa həsr edib.