Türkiyənin Şanlıurfa şəhərində sel fəlakəti: 13 nəfər ölüb
- 23:19 - 15 Mart
Türkiyənin cənub-şərqindəki Şanlıurfa vilayətində baş verən sel 13 nəfərin həyatına son qoyub.
Avropa.info xəbər verir ki, martın 14-də Şanlıurfaya leysan yağışları yağıb. Sel əyalətinin inzibati mərkəzinin bir sıra küçə və prospektlərini su basıb.
Əyalət yanğınsöndürmə xidmətinin məlumatına görə, Veysəl Qarani məhəlləsindəki binanın zirzəmisində Suriya əsilli 5 nəfərin cəsədi tapılıb.
Bununla da Şanlıurfada təbii fəlakət qurbanlarının sayı 13-ə yüksəlib.
Şiddətli yağışlar nəticəsində blokadaya düşən şəhər sakinlərinin müəyyən edilməsi istiqamətində işlər davam etdirilir.