Juranlist kreditə telefon almağa peşman oldu: “Kontakt Home” ödənişləri niyə təqdim etmək istəmir?

  • 22:42 - 22 İyun

“Ətrafımdakı dostlar, tanışlar “Kontakt Home”dan heç vaxt, heç nə alma deyirdilər, amma qulaq asmadım. Həyatımda ilk dəfə kreditə telefon götürdüm, onda da ortaya problem çıxdı”.

Avropa.info xəbər verir ki, bunu tanınmış jurnalist Elmir Muradov özünün şəxsi facebook səhifəsində yazıb.

Media nümayəndəsi daha sonra bunları qeyd edib: “Deməli, ötən il iyulun 18-də götürdüyüm kreditin əksər vaxtlar ödənişini daha tez, daha çox ödəyirdim ki, məbləğ tez bitsin, canım da qurtarsın. Axırıncı dəfə “Paypoint”dən 32 manat ödədim, kreditimin bitdiyini sanırdım. Amma şirkət iddia edir ki, bitməyib. Tərslikdən də çekləri saxlamamışam. Məbləği ödəməyə-ödəyəcəm, çünki özü yıxılan ağlamaz. Vaxtında dostların sözünü dinləsəydim, belə də olmazdı. Sadəcə indi “Kontakt Home”-dan ödədiklərimi yazılı formada mənə təqdim etmələrini istəyirəm, verə bilmədiklərini bildirirlər. Mən də deyirəm əgər şəffafsınızsa, aldatmırsınızsa, niyə ödəniş kağızını təqdim etmirsiniz, nədən çəkinirsiz? Susurlar, susurlarsa, deməli, bundan sonra ordan nəsə almaq lazım deyil”.

Avropa.info yazıda bəhs edilən mövzu ilə bağlı “Kontakt Home”un mövqeyini dərc etməyə hazır olduğunu bildirir.


Oxunma sayı: 6678

Oxşar yazılar