Dünya iqtisadi böhranın astanasında: Avropanın bu ölkəsində fövqəladə vəziyyət elan olundu – FOTO
- 12:36 - 25 May
Macarıstanın baş naziri Viktor Orban Facebook sosial şəbəkəsində Ukraynadakı vəziyyət fonunda ölkədə fövqəladə vəziyyətin tətbiqi ilə bağlı bəyanat yayıb.
Avropa.info-nun məlumatına görə, Orban qeyd edib ki, dünya iqtisadi böhranın astanasındadır. O, həmçinin bildirib ki, Ukraynadakı münaqişə Macarıstanın enerji və maliyyə təhlükəsizliyini təhdid edir.
Macarıstanın Baş naziri vurğulayıb ki, Macarıstan hökuməti konstitusiyaya uyğun olaraq 2022-ci il mayın 25-dən fövqəladə vəziyyət elan etmək hüququndan istifadə edir.
Viktor Orban əlavə edib ki, fövqəladə vəziyyətlə bağlı qəbul edilən ilk qərarları sabah açıqlayacaq.
Macarıstanda hökumət daha əvvəl qeyri-qanuni miqrasiya və COVID-19 ilə mübarizə çərçivəsində fövqəladə vəziyyət elan edib.