Ərdoğan: Türkiyə Kiyev və Moskva arasında dialoqda vasitəçilik edə bilər

15:48 - 08 Dekabr

Ankara Ukrayna və qonşu ölkələrdəki vəziyyəti diqqətlə izləyir.

Avropa.info xəbər verir ki, bunu Türkiyə prezidenti Rəcəb Tayyib Ərdoğan Qətərə səfəri zamanı onu müşayiət edən jurnalistlərə müsahibəsində deyib.

Ərdoğanın sözlərinə görə, Türkiyə tərəflərin razılığı ilə Rusiya Federasiyası ilə Ukrayna arasında vasitəçilik formasında və ya hər hansı digər formatda özünü göstərə biləcək gərginliyin azaldılmasına töhfə verməyə hazırdır.

“Ankara Ukrayna ətrafında vəziyyətin daha da gərginləşməsinə və regionda sabitliyin qorunmasına qarşıdır. Biz Kiyev və Moskva arasında son həftələrdə yaranmış gərginliyi azaltmaq üçün dialoq kanallarının formalaşmasına mümkün töhfə verməyə hazırıq. Türkiyə şübhəsiz ki, bölgəmizdə sülhün qorunması üçün gecikmədən addımlar atmağa hazırdır”, - deyə Türkiyə lideri bildirib.

Prezident Ərdoğan Türkiyənin BƏƏ və İsraillə münasibətlərini düzəltmək səylərini də şərh edib.

“XİN və xüsusi xidmət orqanları Əbu-Dabi ilə münasibətlərdə fəal rol oynayacaq. Mən İsraillə dialoqda oxşar prosesi istisna etmirəm”, - deyə prezident qeyd edib.

Jurnalistlərin Kabil hava limanı ilə bağlı sualına Türkiyə lideri bildirib ki, Dohaya səfərinin gündəmində Əfqanıstanın hava limanlarının birgə idarə olunması mövzusu var.

“Qətər və Türkiyə tərəfləri bu məsələ ilə məşğul olacaq özəl şirkətləri müəyyənləşdiriblər. Bu firmaların nümayəndələri mövzunu öz aralarında, eləcə də Taliban nümayəndələri ilə müzakirə edəcəklər. Xüsusilə də təhlükəsizlik sahəsində müvafiq şərait yaradılarsa, paytaxtın Kabil hava limanı mövzusu həyata keçiriləcək”, - deyə Ərdoğan bildirib.

Ərdoğan ABŞ-ın bölgədəki yanlış siyasətini açıqladı

Türkiyə prezidenti daha sonra ABŞ-ın PKK-nın Suriya qanadı - YPG terror təşkilatına dəstək məsələsində mövqeyini pisləyib.

“Türkiyənin regionda terrorizm təzahürlərinə qarşı birgə mübarizə çağırışı fonunda ABŞ Suriyada terrorçuları fəal şəkildə silahlandırır. Bu Türkiyə ilə dostluğun təzahürü nədir, NATO çərçivəsində hansı tərəfdaşlıqdır? Vaşinqton, şübhəsiz ki, bu suallara cavab verə bilməz. Təəssüf ki, ABŞ regionda yanlış siyasət yürüdür”, - deyə Ərdoğan bildirib.

Türkiyə prezidenti Ağ Evin rəhbəri Cozef Baydenlə son görüşə diqqət çəkib, həmçinin Suriya mövzusunun iki ölkənin xarici işlər nazirlikləri səviyyəsində müzakirə olunduğunu qeyd edib.