Səudiyyə Ərəbistanının səfirliyi Kaşıkçının qətlində şübhəli bilinən şəxsin azadlığını tələb edir

  • 13:30 - 08 Dekabr

Səudiyyə Ərəbistanının Fransadakı səfirliyi səudiyyəli jurnalist Camal Kaşıkçının qətlində əli olmaqda şübhəli bilinərək çərşənbə axşamı Paris hava limanında saxlanılan həmyerlisinin dərhal azad edilməsini tələb edib. 

Avropa.info xəbər verir ki, bu barədə diplomatik nümayəndəliyin çərşənbə günü axşam yaydığı bəyanatda deyilir. 

"Krallığın səfirliyi saxlanılan vətəndaşın dərhal azad edilməsini tələb edir", - deyə qeyd edilir.

Səfirlik vurğulayıb ki, Səudiyyə Ərəbistanı məhkəmələri artıq Xaşkadjinin qətlində iştirakı sübuta yetirilən hər kəsə qarşı hökmlər çıxarıb. 

Bundan əvvəl RTL radiostansiyası Səudiyyə Ərəbistanının 33 yaşlı vətəndaşı Xalid Eid əl-Uteibinin Ruasi-Şarl de Qoll hava limanında saxlanması barədə məlumat vermişdi. Onun Səudiyyə Ərəbistanı Kral Qvardiyasının keçmiş üzvü olduğu və jurnalistin orada öldürüldüyü gün krallığın İstanbuldakı konsulluğunda olduğu bildirilir. Bununla belə, hakimiyyət indi onun şəxsiyyətinin əlavə yoxlanışını aparır. Çərşənbə günü səhər onun Paris prokurorluğuna aparılacağı və həbs qərarı ilə bağlı ona məlumat veriləcəyi gözlənilir. Saxlanılan şəxsin kimliyi və könüllü razılığı təsdiqlənərsə, Fransa onu bu iş üzrə məhkəmənin aparıldığı Türkiyə hakimiyyət orqanlarına təhvil verəcək. Əks halda, onun ekstradisiyası məsələsini Fransa məhkəməsi həll edəcək. 

Ər-Riyadın siyasəti ilə bağlı tənqidi məqalələri ilə tanınan jurnalist Camal Kaşıkçı 2017-ci ildən ABŞ-da yaşayıb və burada "The Washington Post" qəzeti ilə əməkdaşlıq edirdi. O, 2018-ci il oktyabrın 2-də ölkəsinin İstanbuldakı Baş Konsulluğuna gedərkən yoxa çıxıb. Oktyabrın 20-də Səudiyyə Ərəbistanı rəsmiləri Kaşıkçının münaqişə nəticəsində diplomatik missiyanın binasında öldürüldüyünü bildirib. Beynəlxalq ictimaiyyət bu cinayəti pisləyib, Ər-Riyadı şəffaf araşdırma aparmağa çağırıb. 

Kaşıkçının qətli ilə bağlı yekun hökmlər ötən il sentyabrın 7-də Səudiyyə Ərəbistanında elan edilib. Beş nəfər 20 il, digər təqsirləndirilən şəxs 10 il, iki nəfər 7 il müddətinə azadlıqdan məhrum edilib. Cinayət işi “özəl və ictimai qapalı” elan edilib. Məhkumların adları açıqlanmayıb.


Oxunma sayı: 991

Oxşar yazılar